© Sputnik / ابزال كاليەۆ
تالدىقورعاندا جاتاقحانا كومەندانتى ستۋدەنتتەردٸڭ اتىنا 14,7 ملن تەڭگە نەسيە رەسٸمدەگەن. الاياقتىق فاكتٸلەرٸن انىقتاۋعا جەرگٸلٸكتٸ بلوگەرلەر كٶمەكتەستٸ, دەپ حابارلايدى Sputnik قازاقستان اگەنتتٸگٸ وبلىستىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
جەبٸرلەنۋشٸلەردٸڭ ايتۋىنشا, ستۋدەنتتەر جاتاقحاناسىنىڭ 41 جاستاعى كومەندانتى الدىمەن ناۋقاس ۇلىن جەلەۋ ەتٸپ كٶمەك سۇراعان. سوڭىنان ولاردى الداپ, ٷلكەن سوماعا تاۋارلىق نەسيە الۋعا مەجبٷرلەگەن.
پوليتسييا كٷدٸكتٸنٸڭ ۇستالعانى تۋرالى اقپاراتتى راستادى. پوليتسييا قىلمىستىق كودەكستٸڭ 190-بابى (الاياقتىق) بويىنشا ٸس قوزعالعانىن حابارلادى.
"11 قازاندا كٷدٸكتٸ ۇستالىپ, قالالىق پوليتسيياعا ايعاق بەرۋ ٷشٸن جەتكٸزٸلدٸ. تەرگەۋ بارىسىندا زارداپ شەككەن 10 ستۋدەنت پەن 2 جاتاقحانا قىزمەتكەرٸنٸڭ ٶتٸنٸشتەرٸ بار. جەبٸرلەنۋشٸلەرگە كەلتٸرٸلگەن جالپى شىعىن 14,7 ملن تەڭگەدەن اسادى", – دەپ حابارلادى وبلىستىق پوليتسييانىڭ باسپاسٶز قىزمەتٸ.
كومەندانت ستۋدەنتتەرگە ەكٸنشٸ دەڭگەيلٸ بٸرنەشە بانكتەن الاياقتىق جولمەن تاۋارلىق كرەديت الدىرعان. ال ٶز قىزمەتكەرلەرٸنە – ينتەرنەت-قوسىمشالاردى پايدالانا وتىرىپ, اقشالاي كرەديتتەر رەسٸمدەتكەن.
كٷدٸكتٸ ايعاقتار بەرۋدەن باس تارتتى جەنە دەنساۋلىعىنىڭ كٷرت ناشارلاۋىنا بايلانىستى قازٸر اۋرۋحانادا جاتىر. ٸستٸ تەرگەۋ وبلىستىق پوليتسييا دەپارتامەنتٸنٸڭ باقىلاۋىنا الىندى. كومەندانتتىڭ باسقا دا زاڭ بۇزۋشىلىقتارعا قاتىسى بار-جوعى انىقتالىپ جاتىر.
