تالدىقورعان قالاسىنىڭ ەسەم كەلبەتٸ تاعى بٸر جاڭا عيماراتپەن تولىقپاق. جارتى عاسىرعا جۋىق ۋاقىت بەيٸمدەلگەن عيماراتتا جۇمىس ٸستەپ كەلە جاتقان ب.ريموۆا اتىنداعى دراما تەاترىنىڭ ۇجىمى ٷشٸن بۇل عيماراتتىڭ ورنى ەرەكشە بولعالى تۇر.
جۋىردا الماتى وبلىسىنىڭ ورتالىعىندا جاڭا دراما تەاترىنىڭ قازىعى قاعىلدى. 510 ورىنعا ارنالعان زاماناۋي ٷلگٸدەگٸ 3 قاباتتى مەدەنيەت وشاعى قالانىڭ جاڭادان بوي كٶتەرٸپ كەلە جاتقان وڭتٷستٸك-باتىس اۋدانىندا ورنالاسپاق. عيماراتتىڭ قازىعىن قاعىپ, كاپسۋلاسىن سالۋ رەسٸمٸن وبلىس ەكٸمٸ اماندىق باتالوۆپەن بٸرگە قازاقستاننىڭ حالىق ارتيستەرٸ, بەلگٸلٸ تەاتر جەنە كينو اكتەرٸ دوسقان جولجاقسىنوۆ, تالانتتى رەجيسسەر تالعات تەمەنوۆ, تەاتر ارتيسٸ الماحان كەنجەبەكوۆا, سونىمەن قاتار كينواكتەر ەلٸمعازى رايىمبەك اتقاردى.
جەتٸسۋلىق ٶنەرسٷيەر قاۋىمدى ايتۋلى وقيعامەن قۇتتىقتاعان وبلىس ەكٸمٸ اماندىق باتالوۆ ەلباسى نۇرسۇلتان نازارباەۆتىڭ ٶنەرگە دەگەن زور قامقورلىعىنىڭ ارقاسىندا وسى عيماراتتى سالۋعا قول جەتكٸزٸلٸپ وتىرعانىن اتاپ ٶتتٸ.
– تەۋەلسٸزدٸكتٸڭ 25 جىلدىعىندا تالدىقورعاننىڭ جاڭا شاعىن اۋدانىندا قۇرىلىسى جٷرٸپ جاتقان سالتانات سارايىنىڭ, كٶرمە پاۆيلونىنىڭ جانىنان وسى عيماراتتارعا سەۋلەتتٸك جاعىنان ٷيلەسٸمٸ مول جاڭا دراما تەاترى دا سالىنباقشى. اكۋستيكاسى, ساحناسى, اكتەرلەر بٶلمەسٸ, تەاتر عيماراتىنىڭ ٶزٸنە عانا تەن باسقا دا ەرەكشەلٸكتەرٸنٸڭ بارلىعى دا ەسكەرٸلٸپ, تەاتر بارلىق پارامەترلەرگە ساي, جوعارى تالعاممەن جاسالاتىن بولادى.ٶنەر قامقورلىق جاساعاندا عانا ٶسەدٸ. مەدەنيەت پەن ٶنەرٸمٸز ٶركەندەپ, ٶسە بەرسٸن, جاڭا سالىناتىن تەاتر جەتٸسۋ حالقىنىڭ قۋانىشىنا قىزمەت ەتسٸن, – دەدٸ وبلىس ەكٸمٸ ا. باتالوۆ.
وسىنداي ٸزگٸ تٸلەكتەرٸن الىستان كەلگەن ٶنەر تارلاندارى دا بٸلدٸرٸپ, وبلىس حالقىنىڭ قۋانىشىنا ورتاقتاستى. دوسقان جولجاقسىنوۆ: «دەرٸگەر ادامنىڭ تەنٸن ەمدەسە, ٶنەر ادامنىڭ جانىن ەمدەيدٸ. سول ٶنەردٸڭ ٸشٸندە تەاتردىڭ ورنى ەرەكشە. بٷگٸنگٸ جاڭا تەاتردىڭ قۇرىلىسىن باستاۋ رەسٸمٸ – مەدەنيەت ٷشٸن اسا ٸرگەلٸ وقيعا. وسى قۋانىشتارىمەن جەتٸسۋ حالقىن, تەاتر ۇجىمىن شىن جٷرەكتەن قۇتتىقتايمىن» دەدٸ ٶز سٶزٸندە.
– قازاقستاندا جالپى سانى 54 تەاتر بولسا, سونىڭ 18-ٸ جاڭا تەاتر دەپ ەسەپتەلەدٸ. بٸراق ارنايى لايىقتاپ سالىنعان عيماراتتا وتىرعان تەاترلار نەكەن-ساياق. سونىڭ بٸرٸنٸڭ ٸرگەسٸ كٷن ساناپ كٶركەيٸپ, كەيپٸ ادام تانىماستاي ٶزگەرٸپ, ٶسٸپ كەلە جاتقان تالدىقورعاندا قالانىپ جاتقانىنا سٸزدەرمەن بٸرگە قۋانىپ تۇرمىز. جاڭا تەاتردان جاڭا تالانتتار ٶسٸپ شىعىپ, ٶنەر ۇجىمى حالىقتىڭ يگٸلٸگٸنە جۇمىس ٸستەي بەرۋٸنە تٸلەكتەسپٸن, – دەدٸ تالعات تەمەنوۆ.
ب.ريموۆا اتىنداعى تەاتردىڭ اكتەرٸ الماحان كەنجەبەكوۆا وسىدان 41 جىل بۇرىن قازٸرگٸ تەاترعا جاس مامان بولىپ كەلگەنٸن, ەندٸ تەجٸريبەسٸ تولىسقان شاقتا جاڭا تەاتردا جۇمىس ٸستەۋ باقىتىنا يە بولاتىنىن قۋانىشپەن جەتكٸزدٸ.
ە. رايىمبەكوۆ اقساقالدىڭ باتاسىنان كەيٸن سالتاناتتى جاعدايدا تەاتردىڭ كاپسۋلاسى سالىندى.
جالپى, تەاتر قۇرىلىسىنىڭ قۇنى 4 ملرد. تەڭگەگە جۋىق قارجىنى قۇرايدى. قۇرىلىس جۇمىستارىن BI Group كومپانيياسىنا قاراستى «ٶنەركەسٸپ قۇرىلىس» جشس جٷرگٸزەدٸ. عيماراتتىڭ جالپى اۋدانى 10 538 شارشى مەتر.قۇرىلىستىڭ اياقتالۋ مەرزٸمٸ 2018 جىلدىڭ ماۋسىم ايىنا جوسپارلانىپ وتىر.
ساعىنىش نامازشاموۆا
