الماتى وبلىسىنىڭ ەكٸمٸ اماندىق باتالوۆ باستاعان بٸر توپ كەسٸپكەرلەر, ينۆەستيتسييالىق تارتىمدىلىعى زور اۋدان باسشىلارى مەن سالالىق باسقارما باسشىلارى ٶزبەكستانعا رەسمي ساپارمەن باردى. الدىمەن تٶلە بي بابامىزعا قۇران باعىشتاعان جەتٸسۋلىقتار رەسمي كەزدەسۋلەردٸ باستاپ كەتتٸ. بۇل تۋرالى الماتى وبلىسى ەكٸمٸ باسپاسٶز حاتشىسى عالىمۇرات جٷكەل حابارلادى.
حابارلامادا ٶڭٸر باسشىسى ەۋەلٸ «ۋزاگروتەحماش» كومپانيياسىنا تيەسٸلٸ تاشكەنت تراكتور زاۋىتىنىڭ جۇمىسىمەن تانىسقانى ايتىلدى. ەرٸ كەزدەسۋ بارىسىندا اماندىق باتالوۆ تەحنيكانى ساتىپ الىپ قانا قويماي, ونى جەتٸسۋدا قۇراستىرۋدىڭ ەكٸ تاراپقا دا تيٸمدٸ بولاتىنىن تٸلگە تيەك ەتكەن. ول ٷشٸن الماتى وبلىسىنىڭ مٷمكٸندٸگٸ زور ەكەندٸگٸن العا تارتقان وبلىس ەكٸمٸ "تالدىقورعان" يندۋستريالدى ايماعىنان جەر بٶلۋگە دايىن ەكەنٸن, سول جەردە جيناقتاۋ تسەحٸن اشۋدى قۇپتايتىنىن جەتكٸزەدٸ.
ٶز كەزەگٸندە بۇل ۇسىنىستى قۇپ كٶرگەن ٶزبەكستان پرەمەر-مينيسترٸنٸڭ ورىنباسارى نودير وتاجونوۆ تاشكەنت تراكتورلارىنىڭ قازاقستان نارىعىنداعى سۇرانىسىن زەردەلەپ, تيٸمدٸلٸگٸن انىقتاۋ ٷشٸن ارنايى جۇمىس توبىن جٸبەرەتٸندٸگٸن العا تارتقان. قازٸر زاۋىت جىلىنا 6 مىڭ اۋىلشارۋاشىلىق تەحنيكالارىن شىعارۋدا. سالىستىرمالى تٷردە العاندا بىلتىر بۇل كٶرسەتكٸش 1,5 مىڭ دانانى قۇراعان.
عالمۇرات جٷكەلدٸڭ ايتۋىنشا, بۇدان سوڭ اماندىق باتالوۆ باستاعان بيزنەسمەندەر قازاقستاننىڭ ٶزبەكستانداعى ەلشٸلٸگٸنٸڭ قولداۋىمەن ٶتكٸزٸلگەن بيزنەس فورۋمعا قاتىسقان. وندا اتالعان ايماقتىڭ ينۆەستيتسييالىق ەلەۋەتٸ ايتىلىپ, جەتٸسۋلىق زاۋىت-فابريكالاردىڭ جۇمىستارى تانىستىرىلىپ ٶتكەن.
ايتالىق, بىلتىر الماتى وبلىسى مەن ٶزبەكستان رەسپۋبليكاسى اراسىنداعى ساۋدا-ساتتىق كٶلەمٸ 36 ميلليون اقش دوللارىن قۇرايدى. سونىڭ نەتيجەسٸندە وبلىس كەسٸپكەرلەرٸ 15,8 ملن. دوللاردى قۇرايتىن تاۋار ەكسپورتتاسا, يمپورت – 20,2 ملن. دوللارعا جەتەدٸ. وسى ورايدا, ٶزارا ىنتىماقتاستىقتى, ساۋدا ساتتىقتى ارتتىرۋدىڭ وڭتايلى جولىن ٸزدەگەن قوس تاراپ بٸرقاتار جوبالاردى دا تالقىدان ٶتكٸزەدٸ.
تاعى سول شەتەلدەن كەلگەن اقجولتاي اقپاراتقا سٷيەنسەك, اماندىق عابباسۇلى بۇدان سوڭ جاڭادان بوي كٶتەرگەن تاشكەنتتەگٸ قازاقستان ەلشٸلٸگٸنە بارىپ, ەلشٸلٸك اۋلاسىنا اعاش وتىرعىزادى. وسى بارىستا الماتى وبلىسى ەكٸمٸ جاڭا عيماراتتا جەتٸسۋ ٶڭٸرٸنٸڭ جەكە بٶلمەسٸ ەزٸرلەنٸپ, كەسٸپكەرلەردٸڭ كەلٸسسٶز جٷرگٸزۋلەرٸنە مٷمكٸندٸك تۋعانىن دا اتاپ ٶتەدٸ. ٶزبەكستانداعى رەسمي ٸس-ساپاردىڭ العاشقى كٷنٸ الماتى وبلىسىنىڭ مەدەنيەت كٷندەرٸنٸڭ اشىلۋ سالتاناتىمەن قورىتىندىلانىپ, 900 ورىندىق "تٷكٸستان" كونتسەرتتٸك زالىندا جەتٸسۋلىق ٶنەرپازباردىڭ مەرەكەلٸك كونتسەرتٸ ٶتكەن. شارا اياسىندا ٶزبەك اعايىندارعا ۇلتتىق قول ٶنەرٸمٸز جايلى سىر شەرتەتٸن كٶرمە ۇيىمداستىرىلىپ, التىن ادامنىڭ ەشەكەي بۇيىمدارى كٶپشٸلٸكتٸڭ نازارىنا ۇسىنىلىپ وتىر.
قوزىباي قۇرمان,
الماتى وبلىسى
