تالدىقورعاندا 27 ناۋرىزدا «التىن جەبە» ەسكەري جاتتىعۋى كەزٸندە تٸكۇشاق اپاتىنان قازا تاپقان جاۋىنگەرلەرمەن قوشتاسۋعا ارنالعان ميتينگ ٶتتٸ. جەتٸسۋلىقتار ورتالىق الاڭعا جينالىپ, ەفرەيتورلار ايدىن ابديلدينوۆ پەن ميراس جۇماتاەۆتى سوڭعى ساپارعا شىعارىپ سالدى. اتاپ ٶتسەك, اپاتتا قازا بولعان 13 ەسكەري قىزمەتشٸنٸڭ 8-ٸ الماتى وبلىسىنىڭ تۋمالارى ەدٸ.
الدىمەن قازاقستان رەسپۋبليكاسىنىڭ قورعانىس مينيسترٸ, گەنەرال-مايور نۇرلان ەرمەكباەۆ سٶز الىپ, مارقۇمداردىڭ وتباسى مەن جاقىن تۋىستارىنا كٶڭٸل ايتتى.
- ەلباسىمىز نۇرسۇلتان نازارباەۆتىڭ جەنە قازاقستان پرەزيدەنتٸ قاسىم-جومارت توقاەۆتىڭ تاپسىرمالارى بويىنشا قازا تاپقان ەسكەري قىزمەتشٸلەردٸڭ وتباسىلارىنا زاڭنامادا بەلگٸلەنگەن بارلىق كەپٸلدٸ كٶمەكتەر كٶرسەتٸلەتٸن بولادى. باسقا دا مورالدىق-ماتەريالدىق, پسيحولوگييالىق قولداۋلار جاسالادى. بۇل كٶمەك بٸر جولعى كٶمەك بولماۋى كەرەك. مەن گارنيزوندار باستىقتارىنا قازاق تاپقان جاۋىنگەرلەردٸڭ وتباسىلارىن قامقورلىققا الىپ, ولاردىڭ بالالارىن وقىتۋ, ەلەۋمەتتٸك مەسەلەلەرٸن شەشۋ شارالارىن اتقارۋدى تاپسىرامىن. قازا بولعانداردى مەڭگٸ ەستە ساقتاۋ ٷشٸن مەموريال تۇرعىزۋ جوسپارلانۋدا. قىزمەتتەستەرٸمٸز ٶز ەسكەري بورىشىن ادال ورىنداعانىن ەسكەرە وتىرىپ, ولار مەملەكەتتٸك ناگرادالارعا ۇسىنىلاتىن بولادى, - دەدٸ ن. ەرمەكباەۆ. سونىمەن قاتار جەتٸسۋلىق تٶرت ازاماتتىڭ دەنەسٸ تيٸستٸ مەديتسينالىق ساراپتامادان ٶتكٸزٸلۋ ٷستٸندە ەكەنٸن دە اتاپ ٶتتٸ.
وبلىس ەكٸمٸ اماندىق باتالوۆ تا اۋىر قايعىنى بٶلٸسٸپ, مارقۇم جاۋىنگەرلەردٸڭ وتباسىلارىنا بارىنشا كٶمەك كٶرسەتٸلەتٸنٸن ايتتى:
- «قايعىنى بٶلٸسسەڭ, ازايادى», - دەيدٸ حالقىمىز. بۇل قايعىلى وقيعا بەرٸمٸزگە دە اۋىر تيدٸ. قانشا كٶمەك كٶرسەتكەنٸمٸزبەن, قايعىنى بٶلٸسٸپ كٶڭٸل ايتقانىمىزبەن, ازاماتتاردى قايتارا المايمىز. بولعان ٸسكە بولاتتاي بەكەم بولىڭىزدار. بٸزدٸڭ ٸنٸلەرٸمٸز ٶزدەرٸنٸڭ بورىشتارىن ەلدٸڭ الدىندا, وتاننىڭ الدىندا ادال ٶتەدٸ. مەن ٶز تاراپىمنان, الماتى وبلىسىنىڭ جۇرتشىلىعى اتىنان توپىراقتارى تورقا, جاندارى جانناتتا بولسىن دەيمٸن. باتىر ۇلدارىمىزدىڭ اتتارىن مەڭگٸگە ساقتاپ, ۇرپاققا ٷلگٸ ەتەمٸز. ارتىندا قالعان بالالارىنا قامقورلىق جاساپ, ەرقاشان كٶمەك كٶرسەتۋ – بٸزدٸڭ پارىزىمىز, - دەدٸ ا. باتالوۆ.
مۇنان سوڭ قازاقستان مۇسىلماندارى دٸني باسقارماسىنىڭ تٶراعاسى, باس مٷفتي سەرٸكباي قاجى وراز, الماتى وبلىسى قارۋلى كٷشتەرٸ ارداگەرلەر كەڭەسٸنٸڭ باسشىسى راحىم قيرگاباكوۆ سٶز الىپ, ازاماتتاردىڭ تەۋەلسٸز ەلدٸڭ تىنىشتىعىن كٷزەتۋ جولىندا كٶز جۇمعانىن اتاپ ٶتتٸ. «قاھارمان جاۋىنگەرلەردٸڭ ەسٸمٸ جادىمىزدا مەڭگٸ ساقتالادى», - دەدٸ ٶز سٶزدەرٸندە.
ميتينگٸدە جاۋىنگەرلەردٸ ەسكە الىپ, ولاردىڭ قۇرمەتٸنە اسپانعا وت اتىلىپ, گٷل شوقتارى قويىلدى.
بٷگٸن تالدىقورعانمەن قاتار ەلٸمٸزدٸڭ بٸرقاتار ٶڭٸرٸندە جاۋىنگەرلەرمەن قوشتاسۋ ميتينگٸلەرٸ ٶتتٸ. سونىڭ ٸشٸندە تالعار, كەربۇلاق اۋداندارىندا دا ٶتٸپ, جۇرتشىلىق مايور تيمۋر قۇدايبەرديەۆ پەن لەيتەنانت اسلان ايتباەۆتى سوڭعى ساپراعا شىعارىپ سالدى. ال ٶزگە تٶرت مارقۇمنىڭ دەنەسٸ تيٸستٸ ساراپتامادان ٶتۋ ٷستٸندە. ساراپتاما اياقتالعاننان كەيٸن, ول جاۋىنگەرلەرگە ارناپ وسىنداي رەسٸمدەر اتقارىلاتىن بولادى.
اتاپ ٶتسەك, الماتى وبلىسىنىڭ ەكٸمدٸگٸ ەسكەري جاتتىعۋ كەزٸندە قازا بولعان جەتٸسۋلىق ازاماتتاردىڭ وتباسىلارىنا 1 ملن. تەڭگەدەن كٶمەك كٶرسەتەتٸن بولادى. سونىمەن قاتار جەرلەۋ رەسٸمدەرٸن اتقارۋدى كٶتەرٸپ الماق.
