تالدىقورعان قالاسىندا ساۋدا ورتالىعى ٶرتەندٸ. قىزىل جالىن 4-شٸ شاعىن اۋداندا ورنالاسقان «دەۋلەت» ساۋدا ٷيٸنٸڭ جەمٸس-جيدەك, كٶكٶنٸس ساتاتىن پاۆيلونىن شارپىدى, دەپ حابارلايدى "ۇلت اقپارات".
ٶرتەنگەن اۋماق 60 شارشى مەتر. تٶتەنشە جاعدايلار قىزمەتكەرلەرٸنٸڭ ۋاقىتىلى جەتٸپ, جىلدام ەرەكەت ەتۋٸنٸڭ ارقاسىندا تٸلسٸز جاۋ اۋىزدىقتالىپ, ساۋدا ورتالىعىنىڭ ٶزگە بٶلٸگٸنە تاراپ كەتۋٸنە جول بەرمەدٸ.
الماتى وبلىستىق تجد باسپاسٶز قىزمەتٸنٸڭ ٶكٸلٸ ازامات جۇرتباەۆتىڭ ايتۋىنشا, وقيعا ورنىندا بٸر ادام زارداپ شەككەن. ەيەل ازاماتشانىڭ بەتٸ مەن قولىن كٷيٸك شالىپ, جەدەل جەردەم قىزمەتٸ اۋرۋحاناعا الىپ كەتكەن. الدىن-الا بولجام بويىنشا ٶرت باۋىرساق قۋىرىپ, تاۋىق ەتٸن قاقتاپ ساتاتىن دٷڭگٸرشەكتە تۇتانعان. شىعىن كٶلەمٸن ارنايى كوميسسييا انىقتاماق.
