فوتو: وبلىس ەكٸمدٸگٸنٸڭ باسپاسٶز قىزمەتٸ
تالدىقورعان ەكٸمدٸگٸ نۇرسۇلتان نازارباەۆتىڭ ەسكەرتكٸشٸ ورناتىلعان تۇعىردىڭ الىپ تاستالۋ سەبەبٸن تٷسٸندٸردٸ, - دەپ حابارلايدى «ۇلت اقپارات» Tengrinews.kzكە سٸلتەمە جاساپ
تۇڭعىش پرەزيدەنت ەسكەرتكٸشٸنٸڭ تۇعىرى الىپ تاستالعانى تۋرالى اقپارات بۇعان دەيٸن ەلەۋمەتتٸك جەلٸلەردە پايدا بولدى. بارلىق جۇمىستار تٷندە جٷرگٸزٸلگەن, سوندىقتان قالا تۇرعىندارى بۇل پروتسەستٸ كٶرمەدٸ.
تالدىقورعان ەكٸمدٸگٸ تۇعىردىڭ الىپ تاستالۋ سەبەبٸن ايتىپ, ونىڭ قالانىڭ سەۋلەتٸنە ساي كەلمەيتٸنٸن ايتتى.
"تالدىقورعان ورتالىق الاڭىنداعى ەسكەرتكٸش تۇعىرىنىڭ بۇزىلۋىنا بايلانىستى ەسكەرتكٸشتٸڭ تٶمەنگٸ بٶلٸگٸنٸڭ قالدىقتارى قالالىق كەڭٸستٸكتٸڭ سەۋلەتٸن بۇزعاندىقتان بٶلشەكتەلگەنٸن حابارلايمىز. بٷگٸندە ول جەردە قانداي دا بٸر مەدەني نىساندى قالپىنا كەلتٸرۋ نەمەسە سالۋ جوسپارلانباعان", - دەدٸ تالدىقورعان ەكٸمٸنٸڭ ورىنباسارى باۋىرجان ەبيبەكوۆ.
ەسكە سالايىق, نۇرسۇلتان نازارباەۆ ەسكەرتكٸشٸنٸڭ ٶزٸ 2022 جىلعى قاڭتار وقيعاسى كەزٸندە بۇزىلعان بولاتىن. ەسكەرتكٸشتەن تەك جازۋى بار تۇعىرى عانا قالعان بولاتىن.
