تالدىقورعان پوليتسەيلەرٸ قالاداعى دەمحانالاردىڭ بٸرٸنٸڭ جانىندا جەرگٸلٸكتٸ تۇرعىندى تراۆماتيكالىق قارۋمەن جاراقاتتاعان 42 جاستاعى ەر ادامدى ۇستادى, دەپ حابارلادى ٶڭٸرلٸك پوليتسييا دەپارتامەنتٸنٸڭ باسپاسٶز قىزمەتٸ.
31 قازانعا قاراعان تٷنٸ قالالىق پوليتسيياعا 3-شاعىن اۋدانداعى دەمحانانىڭ جانىندا اتىس بولعانى تۋرالى قوڭىراۋ تٷستٸ. وقيعا ورنىنا جەتكەن پوليتسييا قىزمەتكەرلەرٸ 45 جاستاعى ەر ادامنىڭ وق جاراقاتىن العانىن انىقتادى. زارداپ شەگۋشٸ تالدىقورعان قالالىق اۋرۋحاناسىنا جەتكٸزٸلدٸ.
كٶپ ۇزاماي پوليتسەيلەر كٶرشٸ ٷيلەردٸڭ بٸرٸندە تۇراتىن كٷدٸكتٸنٸ انىقتاپ, ونى پوليتسيياعا جەتكٸزدٸ. ۇستالعان كەزدە ول ماس بولعان.
ويىن-ساۋىق مەكەمەسٸندە جەبٸرلەنۋشٸ مەن كٷدٸكتٸ اراسىندا جانجال تۋىنداعانى بەلگٸلٸ بولدى. سوڭىندا ولاردىڭ بٸرٸ كٶشەدە قارسىلاسىنا بٸرنەشە رەت تاپانشادان وق اتقان.
كٷدٸكتٸدەن تابىلعان قارۋ گاز-جاراقات سالاتىن تاپانشا بولىپ شىقتى. ٶزٸنٸڭ ايتۋىنشا, تاپانشانى بۇعان دەيٸن قوقىس كونتەينەرٸنەن تاۋىپ الىپ, ٷيٸندە ساقتاعان كٶرٸنەدٸ.
"اتالعان فاكتٸ بويىنشا سوتقا دەيٸنگٸ تەرگەۋ قىلمىستىق كودەكستٸڭ 293-بابىنىڭ 3-بٶلٸگٸنە (قارۋ قولدانۋ ارقىلى بۇزاقىلىق جاساۋ) سەيكەس جٷرگٸزٸلٸپ جاتىر", - دەدٸ الماتى وبلىسى پوليتسييا دەپارتامەنتٸنٸڭ باسپاسٶز قىزمەتٸ.
بۇل باپ بويىنشا ٷش جىلدان جەتٸ جىلعا دەيٸنگٸ مەرزٸمگە باس بوستاندىعىنان شەكتەۋ نەمەسە ايىرۋ جازاسى قاراستىرىلعان.
قاجەتتٸ ساراپتاما تاعايىندالدى. قازٸر ۇستالعان ادام قاماۋدا وتىر.
وقى وتىرىڭىز
