الماتى وبلىسى بويىنشا سىبايلاس جەمقورلىققا قارسى كٷرەس قىزمەتٸ تالدىقورعان قالاسى ەكٸمدٸگٸنٸڭ كەسٸپكەرلٸك بٶلٸمٸنٸڭ لاۋازىمدى تۇلعالارى بولىپ تابىلاتىن مونيتورينگتٸك توپ مٷشەلەرٸنٸڭ سىبايلاس جەمقورلىق ەرەكەتتەرٸنٸڭ جولىن كەستٸ, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
قر سىبايلاس جەمقورلىققار قارسى ٸس-قيمىل اگەنتتٸگٸنٸڭ Telegram كانالىنىڭ مەلٸمەتتەرٸنە سٷيەنسەك, بٶلٸم باسشىسى ٶزٸنٸڭ قاراماعىنداعى باس مامانمەن سٶز بايلاسىپ, «Covid-19» كوروناۆيرۋس ينفەكتسيياسىمەن كٷرەس بويىنشا داعدارىسقا قارسى شارالار كەزٸندە ادامدار كٶپ جينالاتىن ٸس-شارالاردى ۇيىمداستىرۋعا جەنە ٶتكٸزۋگە تىيىم سالىنعانىنا قاراماستان, قالا رەستوراتورلارى مەن جاپپاي ساۋدا ٶكٸلدەرٸنەن ولارعا قاتىستى ەكٸمشٸلٸك شارالار قابىلداماۋ ٷشٸن جٷيەلٸ نەگٸزدە 20 مىڭنان 270 مىڭ تەڭگەگە دەيٸن پارا العان.
سونداي-اق, جوعارىدا اتالعان پارا سوماسىن بەرگەن مەيرامحانالاردىڭ 5 ەكٸمشٸسٸ قىلمىستىق جاۋاپقا تارتىلادى.
لاۋازىمدى ادامدار ۋاقىتشا ۇستاۋ يزولياتورىنا قامالدى, بۇلتارتپاۋ شاراسىن تاڭداۋ تۋرالى مەسەلە شەشٸلۋدە.
تەرگەۋ امالدارى جالعاسۋدا. قٸجك-نٸڭ 201-بابىنا سەيكەس تەرگەۋ مٷددەسٸنە ساي باسقا دا مەلٸمەتتەر جارييا ەتۋگە جاتپايدى.
ايتا كەتسەك, بۇعان دەيٸن الماتى وبلىسى بويىنشا سىبايلاس جەمقورلىققا قارسى قىزمەت قر ەنەرگەتيكا مينيسترلٸگٸ اتومدىق جەنە ەنەرگەتيكالىق قاداعالاۋ مەن باقىلاۋ كوميتەتٸ الماتى وبلىسى بويىنشا دەپارتامەنتٸنٸڭ لاۋازىمدى تۇلعالارىن اۋىر سىبايلاس جەمقورلىق قىلمىس جاساۋ كٷدٸگٸ بويىنشا ەشكەرەلەگەن بولاتىن.
ناقتىراق ايتساق, اتالعان دەپارتامەنتتٸڭ باسشىسى ٶزٸنە باعىنىشتى – باس ماماننىڭ دەلدالدىعى ارقىلى تالعار اەج قىزمەتكەرٸنەن وسى مەكەمەدەگٸ ەلەكتر ەنەرگەتيكاسى سالاسىنداعى تەكسەرۋ نەتيجەلەرٸ بويىنشا وڭ قورىتىندى بەرگەنٸ ٷشٸن ايتارلىقتاي مٶلشەردە پارا الۋ كٷدٸگٸنە ٸلٸندٸ.
اتالعان تۇلعالار پارا الۋ جەنە بەرۋ, سونداي-اق وسىعان دەلدال بولۋ فاكتٸلەرٸ بويىنشا ٶز كٸنەلارىن تولىق مويىنداۋلارىنا بايلانىستى ۇستالعان جوق. تەرگەۋ جالعاسىپ جاتىر.
