فوتو: Polisia.kz
تالدىقورعاندا جٷرگٸزٸلگەن ارنايى وپەراتسييا بارىسىندا ەسٸرتكٸ قۇرالدارىنىڭ زاڭسىز اينالىمىنا قاتىسى بار كٷدٸكتٸ ۇستالدى. 62 جاستاعى جەرگٸلٸكتٸ تۇرعىننان 5 كەلٸدەن استام گاشيش تەركٸلەندٸ, دەپ حابارلايدى Ult.kz.
جەتٸسۋ وبلىسى پوليتسييا دەپارتامەنتٸنٸڭ مەلٸمەتٸنشە, جەدەل-ٸزدەستٸرۋ شارالارى ەركٸن اۋىلىندا ٶتكەن. كٷدٸكتٸ ەسٸرتكٸنٸ ساقتاۋ جەنە ساتۋ بويىنشا قولعا تٷسكەن.
تەرگەۋ بارىسىندا پوليتسەيلەر باقىلاۋ ساتىپ الۋ جٷرگٸزٸپ, ەيەلدەن 5 گرامنان استام گاشيش ساتىپ العان. كەيٸن ونىڭ ٷيٸن تٸنتۋ كەزٸندە ٶسٸمدٸك تەكتەس زات سالىنعان التى پاكەت تابىلدى.
سونىمەن قاتار اۋلاداعى سارايدان سكوتچپەن ورالعان ٸرٸ قارا پاكەت انىقتالىپ, ونىڭ ٸشٸنەن جالپى سالماعى 5 كەلٸدەن اساتىن ەسٸرتكٸ زاتى تابىلعان. الدىن الا بولجام بويىنشا, بۇل – گاشيش.
اتالعان دەرەك بويىنشا سوتقا دەيٸنگٸ تەرگەۋ امالدارى باستالدى. كٷدٸكتٸگە دەنساۋلىعىنا بايلانىستى ٷيقاماق تٷرٸندەگٸ بۇلتارتپاۋ شاراسى قولدانىلعان.
پوليتسييا ٶكٸلدەرٸ ەسٸرتكٸنٸڭ زاڭسىز اينالىمىنا قارسى كٷرەس جالعاساتىنىن اتاپ ٶتتٸ. قولدانىستاعى زاڭناماعا سەيكەس, مۇنداي قىلمىس ٷشٸن 7 جىلدان 12 جىلعا دەيٸن باس بوستاندىعىنان ايىرۋ جازاسى قاراستىرىلعان.
