Foto: Polisia.kz
Taldyqorǵanda júrgizilgen arnaiy operatsiia barysynda esirtki quraldarynyń zańsyz ainalymyna qatysy bar kúdikti ustaldy. 62 jastaǵy jergilikti turǵynnan 5 keliden astam gashish tárkilendi, dep habarlaidy Ult.kz.
Jetisý oblysy Politsiia departamentiniń málimetinshe, jedel-izdestirý sharalary Erkin aýylynda ótken. Kúdikti esirtkini saqtaý jáne satý boiynsha qolǵa túsken.
Tergeý barysynda politseiler baqylaý satyp alý júrgizip, áielden 5 gramnan astam gashish satyp alǵan. Keiin onyń úiin tintý kezinde ósimdik tektes zat salynǵan alty paket tabyldy.
Sonymen qatar aýladaǵy saraidan skotchpen oralǵan iri qara paket anyqtalyp, onyń ishinen jalpy salmaǵy 5 keliden asatyn esirtki zaty tabylǵan. Aldyn ala boljam boiynsha, bul – gashish.
Atalǵan derek boiynsha sotqa deiingi tergeý amaldary bastaldy. Kúdiktige densaýlyǵyna bailanysty úiqamaq túrindegi bultartpaý sharasy qoldanylǵan.
Politsiia ókilderi esirtkiniń zańsyz ainalymyna qarsy kúres jalǵasatynyn atap ótti. Qoldanystaǵy zańnamaǵa sáikes, mundai qylmys úshin 7 jyldan 12 jylǵa deiin bas bostandyǵynan aiyrý jazasy qarastyrylǵan.
