تالدىقورعان قالاسىنداعى 6-شى شاعىن اۋداندا قر كونستيتۋتسيياسى كٷنٸنٸڭ قارساڭىندا العاشقى مەديكو-سانيتارلىق كٶمەك كٶرسەتۋ ورتالىعى ٸسكە قوسىلدى. جاڭا شاعىن اۋدانداردىڭ تۇرعىندارى, ياعني 16 مىڭ ادام مۇندا بارلىق قاجەتتٸ مەديتسينالىق كٶمەك تٷرلەرٸن الا الادى. ورتالىق بٸر اۋىسىمدا 320 ادامدى قابىلداۋعا لايىقتالعان, دەپ حابارلايدى "ۇلت اقپارات" الماتى وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
مەديتسينالىق مەكەمە زامان تالابىنا ساي قۇرالدارمەن تولىق جابدىقتالعان, ترياج-جٷيەسٸ ەنگٸزٸلگەن. مۇندا 68 بٸلٸكتٸ مامان مەديتسينالىق قىزمەت كٶرسەتەدٸ, ونداعى 20 دەرٸگەردٸڭ 11-ٸ – جوعارى ساناتتى. بٸر سالاعا ماماندانعاندار اراسىندا پەدياتر-كونسۋلتانت, نەۆروپاتولوگ, كارديولوگ, حيرۋرگ, تراۆماتولوگ, وتولارينگولوگ, ەندوكرينولوگ, اكۋشەر-گينەكولوگ, وفتالمولوگ, ۋزي-دياگنوستيكا دەرٸگەرٸ, پسيحولوگ بار.
اتاپ ٶتسەك, مۇنداي ورتالىقتار جۋىق ارادا قالانىڭ باسقا دا شاعىن اۋداندارىندا, كوتتەدجدٸ قالاشىقتا اشىلاتىن بولادى.
جالپى الماتى وبلىسىندا 806 مەديتسينالىق مەكەمە, ولاردا 5 مىڭداي دەرٸگەر مەديتسينالىق قىزمەت كٶرسەتەدٸ. العاشقى مەديكو-سانيتارلىق كٶمەكتٸ دامىتۋ مەن جاڭعىرتۋ - جۇمىستىڭ باستى باعىتتارىنىڭ بٸرٸ. مەديتسينالىق ۇيىمداردىڭ ماتەريالدىق-تەحنيكالىق بازاسىن جاقسارتۋ ماقساتىندا بيىلعى جىلى الماتى وبلىسىندا 11 نىسان سالۋ جوسپارلانعان: 9 دەرٸگەرلٸك امبۋلاتورييا, رايىمبەك جەنە كەربۇلاق اۋداندارىندا بٸر اۋىسىمدا 250 ادامدى قابىلدايتىن 2 ەمحانا پايدالانۋعا بەرٸلەدٸ. سارقان اۋداندىق ورتالىق اۋرۋحانا مەن شەلەك اۋىلىنداعى ورتالىق اۋداندىق اۋرۋحانادا جاڭعىرتۋ جۇمىستارى جٷرگٸزٸلۋدە. مەملەكەتتٸك-جەكەمەنشٸك سەرٸكتەستٸك شەڭبەرٸندە جامبىل اۋدانى ۇزىناعاش اۋىلىندا ەمحانانىڭ قۇرىلىسى باستالدى. «اۋىل - ەل بەسٸگٸ» باعدارلاماسى بويىنشا ەسكەلدٸ, كٶكسۋ اۋداندارىنداعى ورتالىق اۋداندىق اۋرۋحانالاردى كٷردەلٸ جٶندەۋ جوسپارلانعان.
