فوتو: gov.kz
تالدىقورعاندا جەكە مەديتسينالىق مەكەمەدە تٶرت جاسار بالا ەكٸنشٸ قاباتتان قۇلاپ, اۋىر جاراقات الدى, دەپ حابارلايدى Ult.kz.
وقيعا كلينيكانىڭ باسپالداعىندا بولعان. قورشاۋسىز قالعان اۋماقتان قۇلاعان بالا مي جاراقاتىن الىپ, شۇعىل تٷردە وبلىستىق بالالار اۋرۋحاناسىنا جەتكٸزٸلدٸ. دەرٸگەرلەر وعان وتا جاساپ, جاعدايىن اۋىر دەپ باعالاپ وتىر.
الدىن الا دەرەك بويىنشا, باسپالداق ماڭىندا قاۋٸپسٸزدٸك تالاپتارى ساقتالماعان: تولىققاندى قورشاۋ بولماعان, تەك تۇتقالار ورناتىلعان.
وقيعادان كەيٸن مەكەمەدە شۇعىل ٶزگەرٸستەر ەنگٸزٸلٸپ, قاۋٸپتٸ جەرلەرگە قوسىمشا توسقاۋىلدار قويىلعان.
پوليتسييا اتالعان فاكتٸ بويىنشا قىلمىستىق ٸس قوزعاپ, تەرگەۋ امالدارىن جٷرگٸزٸپ جاتىر. ٸس قىزمەت كٶرسەتۋ كەزٸندە قاۋٸپسٸزدٸك تالاپتارىنىڭ ساقتالماۋى بابى بويىنشا قارالۋدا.
