تالدىقورعان قالالىق پوليتسييا باسقارماسىنىڭ قىزمەتكەرلەرٸ بالالاردى زورلىق-زومبىلىقتان قورعاۋ ماقساتىندا «قاتىگەزدٸك پەن زورلىق-زومبىلىقسىز بالالىق شاق» اتتى اپتالىق اكتسييا ٶتكٸزۋدە, دەپ حابارلايدى «ۇلت اقپارات» وبلىستىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
«اكتسييانىڭ ماقساتى – بالالاردى قاتىگەزدٸكپەن جەنە نەمقۇرايلىقپەن قاراۋ پروبلەماسىنا قوعامنىڭ نازارىن اۋدارۋ جەنە قوعامدا بالاعا زورلىق-زومبىلىق جاساۋعا جول بەرٸلمەيتٸن نانىمداردى قالىپتاستىرۋ. جالپى جاسىنا, دامۋ دەڭگەيٸنە, ەلەۋمەتتٸك مەرتەبەسٸنە قاراماستان ەربٸر ادامنىڭ ٶمٸرٸ قۇندى», - دەيدٸ تالدىقورعان قالالىق پب باستىعىنىڭ مٸندەتٸن اتقارۋشى, پوليتسييا پولكوۆنيگٸ مارات تٷسٸپبەكوۆ.
اكتسييا شەڭبەرٸندە حالىقتىڭ نازارىن بالالارعا قاتىگەزدٸك كٶرسەتۋ پروبلەماسىنا اۋدارۋعا, ولاردىڭ الدىن الۋعا, اتا-انا جاۋاپكەرشٸلٸگٸن ارتتىرۋعا, ناسيحاتتاۋعا, زورلىق-زومبىلىق جەنە بالالارعا قاتىگەزدٸك كٶرسەتۋ جاعدايلارىندا كٶمەك كٶرسەتۋدٸڭ قولجەتٸمدٸلٸگٸن قامتاماسىز ەتۋگە جەنە تيٸمدٸلٸگٸن ارتتىرۋعا باعىتتالعان ٸس-شارالار ٶتكٸزٸلەتٸن بولادى. سونداي-اق, ەلەۋمەتتٸك قاۋٸپتٸ جاعدايداعى بالالاردى انىقتاۋ ٷشٸن رەيدتٸك ٸس-شارالار مەن تٷرلٸ تٷسٸندٸرۋ جۇمىستارى جٷرگٸزٸلەدٸ.
ەسكە سالا كەتسەك, «قاتىگەزدٸك پەن زورلىق-زومبىلىقسىز بالالىق شاق» اكتسيياسى تالدىقورعان قالاسىنىڭ اۋماعىندا 20-28 قازان ارالىعىندا ٶتكٸزٸلەدٸ.
«اكتسييا بارىسىندا بٸز بٸلٸم بەرۋ ورگاندارىمەن بٸرلەسٸپ, جالپى بٸلٸم بەرەتٸن وقۋ ورىندارىنىڭ اتا-انالار كوميتەتتەرٸمەن كەمەلەتكە تولماعاندارعا قاتىستى جاسالاتىن قىلمىستاردىڭ الدىن الۋ مەسەلەلەرٸن تالقىلاۋ جەنە شارالار قابىلداۋ ٷشٸن جينالىستار ٶتكٸزۋدٸ جوسپارلاپ وتىرمىز. سونىمەن قاتار, كەمەلەتكە تولماعاندارعا قاتىستى جاسالاتىن بوپسالاۋ فاكتٸلەرٸن انىقتاۋ جەنە جولىن كەسۋ ماقساتىندا جالپى بٸلٸم بەرەتٸن وقۋ ورىندارىندا جاسىرىن ساۋالناما جٷرگٸزٸلەدٸ», - دەيدٸ الماتى وبلىسى پد جپقب ەتج اعا ينسپەكتورى, پوليتسييا پودپولكوۆنيگٸ مەدەت قۇنانباەۆ.
سونداي-اق, تەرتٸپ ساقشىلارى تۇرعىندار اراسىندا كەمەلەتكە تولماعاندارعا قاتىستى تۇرمىستىق, سەكسۋالدىق زورلىق-زومبىلىق پەن قاتىگەزدٸكتٸڭ الدىن الۋ بويىنشا اقپاراتتىق جادىنامالار مەن بۋكلەتتەر تاراتاتىن بولادى.
«كەمەلەتكە تولماعانداردى تەربيەلەۋ جٶنٸندەگٸ اتا-انا مٸندەتتەرٸن تيٸسٸنشە ورىنداماۋ فاكتٸلەرٸن انىقتاۋ ماقساتىندا ٸٸو ەسەبٸندە تۇرعان «قولايسىز وتباسىلاردىڭ» تۇرعىلىقتى جەرٸ بويىنشا تٷسٸندٸرۋ جەنە الدىن الۋ جۇمىستارىن جٷرگٸزۋ ٷشٸن تەكسەرۋ ۇيىمداستىرىلادى. كەمەلەتكە تولماعاندار اراسىندا ەرتە جٷكتٸلٸكتٸڭ الدىن الۋ ٷشٸن وبلىستىڭ جوعارى سىنىپ وقۋشىلارى اراسىندا تٷسٸندٸرۋ جۇمىستارىن جٷرگٸزۋ ٷشٸن دەنساۋلىق ساقتاۋ ورگاندارىنىڭ مەديتسينا قىزمەتكەرلەرٸ تارتىلادى», - دەپ تولىقتىردى پودپولكوۆنيك م.قۇنانباەۆ.
