قازاقستاندا كوروناۆيرۋس سالدارىنان قايتىس بولعاندار سانى تاعى 10 ادامعا كٶبەيدٸ. بۇل تۋرالى 27 اقپان كٷنٸ ەلدٸڭ دەنساۋلىق ساقتاۋ مينيسترلٸگٸ حابارلادى.
رەسمي دەرەككە سەيكەس, قايتىس بولعانداردىڭ بارلىعى Covid-19 ۆيرۋسىن جۇقتىرعانى (كۆي+) انىقتالعان. اقپاراتتا بٸر كٷندە كوروناۆيرۋسپەن 860 ناۋقاس تٸركەلگەنٸ, ونىڭ 54-ٸنە پتر تەستٸمەن راستالماعان (كۆي-) كوروناۆيرۋس پنەۆمونيياسى دياگنوزى قويىلعانى ايتىلعان.
قازاقستان كوروناۆيرۋس ناۋقاستارىنىڭ ستاتيستيكاسىن ەكٸ بٶلەك جٷرگٸزٸپ كەلەدٸ. قازٸرگٸ مەلٸمەت بويىنشا, ەلدە 20 280 ناۋقاس ەمدەلٸپ جاتىر (13523 –كۆي+, 6757 – كۆي-). ستاتسيوناردا جاتقان 4380 ناۋقاستىڭ 253-ٸنٸڭ جاعدايى اۋىر, ال 49 ادام اسا اۋىر حالدە, 42 ناۋقاس ٶكپەنٸ جەلدەتۋ اپپاراتىنىڭ كٶمەگٸمەن تىنىستاپ جاتىر دەپ حابارلايدى مينيسترلٸك. بۇعان قوسا 15900 ناۋقاس امبۋلاتورييا ەمٸن الىپ جٷر.
قازاقستاندا Covid-19 ٸندەتٸ كەلگەلٸ ۆيرۋس جۇقتىرعانى پتر تەستٸمەن راستالعان 2743 ادام قايتىس بولعان.
قازٸرگٸ رەسمي مەلٸمەت بويىنشا, قازاقستاندا ٸندەت باستالعالى بەرٸ بارلىعى 212 018 ادامنىڭ Covid-19 ۆيرۋسىن (كۆي+) جۇقتىرعانى راستالعان. ال رەسمي ستاتيستيكاسى بىلتىر تامىزدان بەرٸ جٷرگٸزٸلٸپ كەلە جاتقان كۆي- جۇقتىرعاندار سانى 49 226 ادامعا جەتتٸ, ونىڭ 620-سى قايتىس بولعان.
