ارنانىڭ سىنعا قالعان "بٸراق..." باعدارلاماسى جابىلاتىن بولدى. بۇل تۋرالى مەدەنيەت مينيسترٸ ايدا بالاەۆا مەلٸمدەدٸ, دەپ حابارلايدى "ۇلت اقپارات" Informburo.kz سايتىنا سٸلتەمە جاساپ.
"حابار" ارناسىنىڭ "بٸراق..." اتالاتىن جاڭا توك-شوۋى ەلەۋمەتتٸك جەلٸدە كٶرەرمەننٸڭ سىنىنا ۇشىرادى. العاش بۇل تۋرالى وتباسىلىق زورلىقتان جاپا شەككەن ەيەلدەر مەن بالالارعا ارنالعان ورتالىقتىڭ جەتەكشٸسٸ اننا رىل حابارلاعان بولاتىن.
اننانىڭ ايتۋىنشا, ول ارنا قىزمەتكەرلەرٸنٸڭ ٶتٸنٸشٸ بويىنشا ورتالىقتان پانا ٸزدەپ كەلگەن گٷلميرا سمايلوۆانىڭ بايلانىس دەرەكتەرٸن ۇسىنعان. كەيٸپكەر ستۋديياعا ونىڭ بۇرىنعى كٷيەۋٸ كەلمەيتٸن بولعان جاعدايدا تٸكەلەي ەفيرگە شىعۋعا كەلٸسكەن. الايدا, ارنا قىزمەتكەرلەرٸ بۇل ۋەدەسٸندە تۇرماي, ەفيرگە ونىڭ كٷيەۋٸن شاقىرىپ, گٷلميرانىڭ قارسىلىعىنا قاراماستان, ەكەۋٸن تاتۋلاستىرۋعا ەرەكەت ەتكەن. سونداي-اق, باعدارلاما جٷرگٸزۋشٸسٸنٸڭ ورىنسىز سۇراقتارى دا سىن استىندا قالدى. بۇل جاعداي ارنا كٶرەرمەندەرٸنٸڭ اشۋ-ىزاسىن تۋعىزدى.
وسى ورايدا "حابار" ارناسىنىڭ باسقارما تٶراعاسى كەمەلبەك ويشىباەۆ facebook جەلٸسٸندە گٷلميرا سمايلوۆا مەن ارنا كٶرەرمەندەرٸنەن كەشٸرٸم سۇرادى.
"بٸراق"-تىڭ شالىس باسقان قادامى ەلٸ تٷزەلەدٸ. رەداكتسيياعا وسىنداي دەرەۋ قوعامدىق تالقى, قولداۋ دا ماڭىزدى. دەل بٷگٸن قاتىسقان كەيٸپكەرلەردەن دە, كٶرەرمەننەن دە سۇراعان كەشٸرٸمٸمٸزدٸ قابىل الىڭىزدار. ٶز الدىنا قوناعىمىز بولىپ كەلگەن گٷلميرا سمايلوۆا مەن "قورعاۋ-استانا" كريزيستٸك ورتالىعىنىڭ ۇجىمىنان جەكە كەشٸرٸم سۇرايمىز", – دەپ جازدى ارنا باسشىسى.
كەمەلبەك ويشىباەۆتىڭ ايتۋىنشا, "بٸراق..." باعدارلاماسىنىڭ ەفيرگە شىققانىنا 2 كٷن عانا بولعان.
بۇل جاعدايعا بايلانىستى مەدەنيەت جەنە اقپارات مينيسترٸ ايدا بالاەۆا دا پٸكٸر بٸلدٸردٸ. ول باعدارلامانىڭ جابىلاتىنىن مەلٸمدەدٸ.
"11 ناۋرىزدان باستاپ "حابار" ارناسىندا وتباسىنداعى ەلەۋمەتتٸك مەسەلەلەرٸن كٶتەرٸپ, ونى شەشۋگە باعىتتالعان "بٸراق..." باعدارلاماسىنىڭ شىعارىلىمى ۇيىمداستىرىلدى. الايدا, تٸكەلەي ەفيردەگٸ بەرٸلگەن شىعارىلىمدا رەداكتسييا باعدارلامانىڭ دٸتتەگەن ماقساتىنا جەتە الماي, كەيٸپكەردٸ جاڭىلىستىرۋ ارقىلى قوعامدا تٷرلٸ پٸكٸرلەر تۋىنداتتى. مەملەكەتتٸك يدەولوگييانى جٷرگٸزٸپ وتىرعان مەملەكەتتٸك تەلەارنا بۇنداي ولقىلىققا جول بەرمەۋٸ تيٸس ەدٸ. ەڭ الدىمەن, رەداكتسييا بارلىق ەتيكالىق نورمالاردى ساقتاپ, وتباسىلىق-تۇرمىستىق زورلىق-زومبىلىق پەن ارانداتۋشىلىققا جول بەرمەۋگە, كەيٸپكەرلەردٸ كٶپشٸلٸك الدىندا قورلاماۋ قاجەت ەدٸ. سوندىقتان تەلەارنا رەداكتسيياسىنا بۇل ٷلكەن ساباق بولادى دەپ سانايمىز. اتالعان توك-شوۋ جابىلادى", – دەدٸ ايدا بالاەۆا.
