قىزىلوردا وبلىسى جاڭاقورعان اۋدانىندا ورىن تەپكەن سىعاناق قالاشىعىن قازاقستان جەنە ٶزبەكستان ارحەولوگتارى بٸرگە زەرتتەۋ ٸسٸن قولعا الدى, دەپ حابارلايدى قازاقپارات.
بۇل ٸس-شارالار تۇڭعىش پرەزيدەنت - ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» باعدارلاماسى اياسىندا قولعا الىنىپ وتىر.
سىعاناق قالاشىعىن جان-جاقتى زەردەلەۋ شارالارىنا تٷركٸستان قالاسىنداعى حالىقارالىق قازاق-تٷرٸك ۋنيۆەرسيتەتٸنٸڭ ارحەولوگييالىق زەرتتەۋ ينستيتۋتى عالىمدارى بەلسەندٸ تٷردە اتسالىسىپ كەلەدٸ. ۋنيۆەرسيتەت ارحەولوگتارى 2003 جىلدان بەرٸ بۇل باعىتتا كٶپتەگەن جۇمىستاردى جٷزەگە اسىردى. بٷگٸنگٸ كٷنگە دەيٸن ٶتكەن كٷندەردٸڭ بەلگٸسٸ رەتٸندە كٶپتەگەن كٶنە جەدٸگەرلەر قولعا تٷستٸ. عالىمدار ەسكٸ كەزەڭنەن سىر شەرتەتٸن سان الۋان سەندٸ عيماراتتاردىڭ ورنىن تاپتى.
عالىمداردىڭ ايتۋىنشا, بۇل قالاشىق ورنىنان قۇمىرا, اقشا, سىرعا, جٷزٸك جەنە سٷيەكتەن جاسالعان بۇيىمدار شىققان. سونداي-اق, مۇندا تۇرعان ادامدار ويناعان اسىقتار دا قولعا ٸلٸندٸ. بٸر ورىننان 30-40 اسىق تابىلدى. سونىمەن قاتار, قازبا جۇمىستارى بارىسىندا سىعاناقتىڭ ورنالاسۋ جاعدايى دا انىقتالىپ جاتىر. نەتيجەسٸندە عالىمدار كٶنە شاھاردىڭ شىعىس قاقپاسىنىڭ ورنىن انىقتادى.
«سىعاناق قالاشىعى UNESCO-نىڭ دٷنيەجٷزٸلٸك مۇرالارىنىڭ الدىنا الا تٸزٸمٸنە ەنگٸزٸلگەنٸ بەلگٸلٸ. بٷگٸندە كٶنە قالاشىقتى تۋريزم ورنىنا اينالدىرۋ باعىتىندا نەتيجەلٸ جۇمىستار اتقارىلىپ كەلەدٸ. سىعاناقتىڭ اۋماعى قورشالدى, مۇنارالى قاقپاسى مەن قورعان قابىرعالارىنىڭ بٸرقاتار بٶلٸگٸ 3 مەتر بيٸكتٸككە دەيٸن قالپىنا كەلتٸرٸلدٸ. وسىنىڭ نەتيجەسٸندە شامامەن ح عاسىردان باستاپ تاريحتان بەلگٸلٸ قالا اشىق اسپان استىنداعى مۇراجايعا انيالدى. بيىل بٸزدٸڭ زەرتتەۋ جۇمىستارىمىزعا ٶزبەك ەرٸپتەستەرٸمٸز دە اتسالىسىپ وتىر», - دەدٸ تٷركٸستان قالاسىنداعى حالىقارالىق قازاق-تٷرٸك ۋنيۆەرسيتەتٸنٸڭ ارحەولوگييالىق زەرتتەۋ ينستيتۋتىنىڭ اعا عىلىمي قىزمەتكەرٸ مەلس باقىتباەۆ.
سىعاناقتى زەرتتەۋ شارالارىنا ٶزبەكستاننىڭ سامارقاند قالاسىنداعى ورتا ازييا زەرتتەۋلەر حالىقارالىق ينستيتۋتى عالىمدارى كەلدٸ. ولار قازاقستاندىق ەرٸپتەستەرٸمەن بٸرگە سىعاناقتى جان-جاقتى زەرتتەۋگە نازار اۋدارىپ وتىر.
