سۆەتقالي نۇرجان. مٶلت

 

مٶلت

 

                 (توپتاما)

 

   1.ارزۋ-اجال وعى    

 

سٷڭگٸ جۇلدىز

سىڭسىپ كەلٸپ,

جٷرەككە كٸرش-كٸرش ەتٸپ ەندٸ!..

بٷرشٸك سەمٸپ,

دٷرس-دٷرس ەتٸپ... سٶندٸ

مۇڭدى بٸر قىز...

 

                                      23.03.17 ج.

 

     2.حاقتىڭ حاتى

 

ٷشكٸل حات...

99 قاراشا قاز

ٶتتٸ ۇشىپ تاس تٶبەمنەن...

بولامىن بالاشا مەز –

حابار كەپ باسقا ەلەمنەن!..

ۇشتى ىمداپ...

 

                                     24.03.17 ج.

 

     3.بيىلعى كٷزدٸڭ كەلۋٸ

 

جاز كەلتە بولدى,

كٷز ەرتە كەلدٸ –

اپتاپ بۇعىپ...

قايىڭدار مۇڭدى كٷيٸن

جاپىراق-ساۋساعىمەن شەرتەدٸ ەندٸ...

جىندى قۇيىن

بيلەپ جٷر ساق-ساق كٷلٸپ...

 

                                       24.03.17 ج.

 

 

    4.اجال ەكەۋمٸز

 

اجال سٷيەدٸ مەنٸ! –

مەن سٷيمەيمٸن!

ول سٷيرەيدٸ كٶرگە تۇل...

مەن دە ونى سٷيگەن كٷنٸ –

تٸرٸلەر سٷيەگٸم ٶلٸ!

كٶر دە تۇر!..

 

                                      25.03.17 ج.

 

            5.ٸشكٸ ديالوگ

 

– مەنٸ ەلٸ مويىندايدى قازاق!..

– ول قاي كٷن?

– مويىنداعان كٷنٸ قازاقتى ەلەم!

– عاجاپ! – دەر ەم,

ەتتەڭ, بولمايمىن...

 

                                               25.03.17 ج.

 

   6.ايدىڭ ارعى بەتٸ

 

كٷيدٸردٸ وت...

اي –

مەنەن

بۇرمايدى جٷزٸن ەرٸ,

سۇلۋداي ەركە... ەسٸ كەم...

كٶڭٸلٸم بۇزىلادى –

سٷيگٸم كەپ...

يٸسكەگٸم كەپ جەلكەسٸنەن!..

 

                                      25.03.17 ج.

 

 7.تٷنگٸ تىلسىمداعى سۇحبات

 

شىڭنان جەل ەستٸ...

ىمبال – كٶمەسكٸ...

كٸم بار –

ٷڭگٸردەگٸ تىڭدار كەڭەستٸ:

«ٸلٸم بۇل, شىراعىم, جٷيەلٸ –

كٶرگە كٸرگەندە –

سەۋلە جانسىن دەسەڭ مٷردەڭدە, –

كٶزدٸ شىرا قىل – تٷندەردە,

سٶزدٸ مۇرا قىل – كيەلٸ!..»

        

                                     25.03.17 ج.

                                     

     8.نٶسەرلٸ تٷندە كٶرگەنٸم

 

نٶسەرلٸ تٷن... ەلەس...

دٸردەك قاعامىن –

كەسەم بٷتٸن ەمەس...

شٶمەلە-بۇلت ەتەگٸنەن تٷرتتٸ ۇشقىن:

قاراپ تۇر – ٶلٸ بوز بەت!..

كٷل بوپ بارامىن –

كەلەدٸ مەنٸ كٶزدەپ –

قىزىل تٸسٸ قىزىلسىراق جىرتقىشتىڭ...

 

    25.03.17 ج.

 

     9.حاقتىڭ جازعان حات-جىرى

        

تاۋ – مۇنار...

جاۋدى قار...

دٷنيە تۇرعان شاڭ مەن كٸرگە باتتاسىپ,

پەرٸشتەلەر جٸبەردٸ ەپپاق حات شاشىپ!

ميلليون-ميلليارد اق پاراق!

رەداكتورشا حات قاراپ,

ٷلگەردٸم مەن حاتتارداعى

جاببار-حاقتىڭ جازعان جىرىن جاتتاپ اپ!

ال ول جىردى تٷسٸنەر تەك پەك عاشىق!..

 

                                                      25.03.17 ج.

 

         10.مۇسا (ع.س.) مەن دەرۋٸش

 

وسىندايمىن كەيدە, ەندٸ,

اينادان كٶر بەينەمدٸ:

توپتى جارىپ كەلدٸم دە كەليموللا مۇساعا:

«مەن قۇدايدى سٷيەم!..» – دەدٸم دار-دار جىرتىپ جەيدەمدٸ...

قورشاپ تۇرعان اينالا:

«پايعامبارىم نە دەيدٸ?» دەپ ىنتىقتى ەل.

ال پايعامبار بىلاي دەدٸ جاي عانا:

«جەيدەڭدٸ ەمەس, جٷرەگٸڭدٸ جىرتىپ كەل!..»

 

                                                                           25.03.17 ج.

 

      11.بەزبەن مەن تارازى الدىندا

 

قامدا, اللا!

تاعدىرىم تۇر قاسٸرەتتٸ-قاسيەتتٸ سانداردا…

ٶتكەنٸمدٸ بەزبەنگە ساپ بارلادىم:

2000 كٷن ارام جۇتىپپىن,

2000 كٷن ورازا تۇتىپپىن…

قايسىسىنىڭ سالماعىن

باسىم قىلار تارازىعا سالعاندا?                  

...ٶن بويىمدى بارادى ٶرتەپ قان-جالىن!..             

 

                                                        25.03.17 ج.

 

   12.تٷنگٸ عايىبي ەلەس

        

كٸمسٸڭ سەن?

اي استىندا تۇرسىڭ سەن,

نۇرعا مالتىعان مۇڭسىڭ سەن,

سەۋلە تولقيدى, – كٷرسٸنسەڭ:

جٸبەك بوپ جەلبٸرەپ تۇرسىڭ,

تٸلەك بوپ ەلبٸرەپ تۇرسىڭ,

جٷرەك بوپ ەلجٸرەپ تۇرسىڭ!

قيمىلداسا كٸرپٸگٸڭ – گٷل سەبەلەر! –

نە بولار ەد دٷنيە – كٷلسەڭ ەگەر?..

 

25.03.17 ج.

 

  13.بەيمەلٸم جىردىڭ ايانى

 

ٸلۋلٸ كٷرشٸكتەر تۇر...

«بٷرۋلٸ بٷرشٸكتەر تۇر,

بٸراق ونى قۋات قايدا اشاتىن?..»

وسى جىردى جازعان كٸم-دٷر حاس اقىن?

ىرشىپ كەپ بٸر سوققان شاقتا جٷرەگٸم,

بۇزىپ ٶتٸپ عاسىرلاردىڭ تٷنەگٸن

ەستٸلەردەي ماس – اھى ٷن:

«كٷنٸ جاقىن بٷرشٸكتەردٸڭ بار جۇپارىن شاشاتىن!..»

 

                                                                  25.03.17 ج.

 

     14.اقيقات پەن ەۋرە

 

كٶكتەن تٷستٸ تٶرت كٸتاپ.

سانسىز تەپسٸر...

تەپسٸرلەردەن ٶرت تۇتاپ,

تٷنەك بولىپ تورلاپ كٶك پەن ٸرگەنٸ,

وراپ الدى «ادام» اتتى مٷردەنٸ...

بەرٸنٸڭ دە جەتكٸزە الماي جٷرگەنٸ:

«قۇداي سٶزٸ نۇر ەكپەسە جٷرەككە, –

كٷللٸ دٷنيە اينالار ەد تٷنەككە!..»

 

26.03.17 ج.

 

    15.بولجال

 

مەن ٶلگەندە,

جٶنەلگەندە كٶككە انا –

كٷن تۇتىلمايدى,

اي سىتىلمايدى تٷنەكتەن.

تەبٸرەنبەيدٸ تاۋلار ٷنٸ ٶكتەم,

كٷڭٸرەنبەيدٸ باۋلار شوقتالا.

تەك قانا –

بٸر ەپپاق جۇلدىز اعىپ تٷسەدٸ جٷرەكتەن –

قاپ-قارا...

 

                                               27.03.17 ج.

 

           16.ٶمٸر

 

         سەبەتايعا

 

كەشە:

اق جولدا –

الىپ شاھارعا

كەلدٸ بوزباس بوزبالا –

تٸلەگٸ العا سٷيرەپ...

بٷگٸن:

ۆوكزالدا –

قانىپ زەھارعا,

بوز باستى اقىن (توزباس كٶز عانا!)

جٷرەدٸ اربا سٷيرەپ...

 

                                              27.03.17 ج.

 

 17.تامىزدىڭ اقىرعى كٷنٸ. تەڭٸز

 

تەڭٸز قيمايدى...

مەن – تەڭٸزدٸ...

تولقىن بٸتكەن جالىنادى «كەتپەلەپ»,

سەل ۇزاسام, بۇرتييادى ٶكپەلەپ...

كەشكەن سىندى «تەڭٸز-جىرىن» گەينەنٸڭ,

سۋ-سۋ بولىپ ۇزاپ بارام كٶيلەگٸم…

بۇلت سٷزدٸ سەركە-قۇزدى,

اق قايىق جەلكەن ٷزدٸ…

ۇزاپ بارام… تامشىلار ٶرتەپ ٸزدٸ…

 

28.03.17 ج.

 

       18.كەلەر عاسىرلاردىڭ بٸرٸندە جٷرٸپ,

قويىن دەپتەرٸمدە جازىلىپ قالعان جىردى وقىدىم:

 

«...از عۇمىردا

جەتٸ رەت اق ٷي,

جەتٸ رەت قارا ٷي تٸگٸلدٸ باسىما!

جەتٸ قاتتىڭ قىلاۋى قوندى شاشىما.

يمپەرييا مەن ديكتاتۋرا كٶمدٸ ناسىنا...

ەندٸ اللانىڭ اق ورداسىن تٸگەم –

ايدىڭ استىنا, كٷننٸڭ قاسىنا!..»

وسىلاي جازىلعان –

باعزى جىردا!

 

                                                28.03.17 ج.

 

   19.كٶكتەم ەسٸگٸن قاعۋ

 

جەتتٸ كٶكتەم –

دۋالى توپىراققا,

ۋەلٸ اتىراپقا!

كٶك دٷر ەتكەن...

كٶكتەمنٸڭ ەسٸگٸن –

كٸرپٸگٸن مالىپ نۇر,

تىرس-تىرس قاعىپ تۇر

جٷرەك ۇقساپ بٷر اشقان جاپىراققا... –

ك-ٶ-ٶ-پ تٸلەكپەن!..

 

                                               28.03.17 ج.

 

       20.«مىڭ تٷن» ەرتەگٸسٸ

 

وسى ما جاھري جازا? –

بٸرگە ٶتكٸزدٸك «مىڭ بٸر تٷننٸڭ» مىڭ تٷنٸن!..

قالدى ايتىلماي ەڭ اھۇرعى ىنتىعىم...

جەتتٸ مە اقىري قازا? –

اقىرعى تٷنگە جاسىرۋلى ەد زور نىشان –

وياندىم نەگە, سٶنگٸر كٶز شىراداي جاناد?!

«ەي, پاديشام!..» دەي تٷسٸپ, كٸنەلاي قاراپ,

كەتتٸڭ شىعىپ, شاحريزادا!

ٶلدٸ ەرتەگٸم... سٶندٸ شام...

 

                                                        29.03.17 ج.

 

        21.ەكٸ دٷنيە ەسٸگٸندە

 

بۇل ٷيدٸڭ

ەسٸگٸ جابىق. كٸرە الماي دٸڭكەم قۇريمىن.

قىڭسىلايمىن بوساعاسىن تىرنالاپ,

اي-تەرەزەگە قاراپ يتتەي ۇليمىن!

ال ول بولسا, پەردە ارتىندا تۇر قاراپ,

اياي ما مەنٸ? –

اعادى جۇلدىز سىرعاناپ...

 

                                               29.03.17 ج.

 

       22.«مىڭ ەكٸنشٸ تٷن»

 

شىقتىڭ دا «مىڭ بٸر تٷننەن»,

تٸل قاتتىڭ كٷڭگٸرت ٷنمەن, شاحريزادا!

باسقا تٷن, بٸراق بۇل تٷن...

پاديشا يتتەي قاڭعىپ,

تاسقا ۇرعان كيتتەي مەڭگٸپ,

سول تٷننٸڭ الا الماي جٷر سۇراپ كٸلتٸن,

شاحريزادا!..

 

                                               30.03.17 ج.

 

     23.ەرتەگٸلٸك ەلەسكە ەرۋ

 

ەنە ساپ ەرتەگٸدەن –

دارىتتىڭ سۇر ٶمٸرگە كٶركەم ٸرەڭ.

سٷيكٸمدٸ بولدىڭ سونشا,

ۇيقىمدى بٶلدٸڭ قانشا...

جۇپار مٷلكٸڭ يىقتا,

ٸڭكەر كٷلكٸڭ ميىقتا – كٶرە ساپ ٶرتەنٸپ ەم...

سيقىرلى جۇمباق بەينە, تٸل قات كەيدە,

ٶزٸڭسٸڭ جان-سىباعام يەم تەلٸگەن!

سٷرمەسەك قوس عالامدا, – جالعانشى كەلتە بٸلەم?..

 

                                                        30.03.17 ج.

 

   24.بازىنا

 

ٶزٸڭە بايلاۋلى – انت, ار, سانام!

وتقا سالاسىڭ, سۋعا مالاسىڭ,

ورمانداي شۋلاپ اعاشىڭ,

شاتقالدى شاتىناتقان داريياشا تۋلاپ اعاسىڭ!..

...كٶبەلەك قاناتىنىڭ دٸرٸلٸن بال تامساعان

ھەم كٶز جاسىن اۋىرلاعان كٸرپٸگٸمنٸڭ

سالماعىن ارتام ساعان!

 

                                               31.03.17 ج.

 

      25.قاپاستاعى قارعىس

 

تٷسكەنمٸن قاي دۇزاققا بۇل? –

قارا تٶبەتتٸڭ قىپ-قىزىل تٸسٸ ابالاپ تۇر,

قارا تەبەتتٸڭ سۇپ-سۇر تٸلەگٸ قامالاپ تۇر!

سەۋلە تٷسٸرەر اي دا ۇزاقتا جٷر...

قان-قان جٷرەگٸم – پەلەكەتتٸڭ كٶزدەگەنٸ,

ٸزدەۋشٸ ەدٸ ول ٶزگە نەنٸ –

باسىڭنان بايعىز اتتاعىر!

 

                                               31.03.17 ج.

 

      26.ايدىڭ تۋۋى

 

جۇرتپىز-اۋ باعى كەيٸن –

شالجيىپ شالقاسىنان

اي – اشىپ تۋدى ابىرويىن!

جاندار ەك كٶكتەم كٷتكەن,

قىس ەلٸ زٸركٸلدەپ تۇر ٶكتەمدٸكپەن!

...جٷرەكتٸ قالتىراتىپ كەرٸ ٷرەيٸم:

«ەي, جاڭا اي, نە سىيىڭ بار تاعى?..» – دەيٸم...

 

                                                         31.03.17 ج.         

 

27.جىردىڭ تۋۋى. اي-شٶرەك*

 

نە ٷشٸن تۋدى قايسى ٶلەڭٸم? –

بٸلەدٸ اي سەبەبٸن...

بٸر سۋىنام, ىسىنام,

وسى, نەگە اي تولعاندا ۇشىنام?..

سٷيٸپ تۇرىپ كٷيٸكتٸ ۇمىت قىلامىن –

اي-شٶرەكتٸڭ* ەمشەگٸنٸڭ ۇشىنان…

و سول سەت جازىپ جىردىڭ ناي – سەرەگٸن,

جارييالاتتىم تاسقا باستىم دا –

سەن بار دەپ اسپان استىندا, اي-شٶرەگٸم!..

                  

31.03.17 ج.

 

-----------------

اي-شٶرەك* – كٶنە قازاق ون بەسٸنەن تولعان ايدى وسىلاي اتاعان.

 

           28.تىلسىم تابىسۋ

 

شىعارداي ٶلەسٸ ٷن عافىل:

«شىن سٷيسەڭ, – التىن قۇلىپقا كەلەسٸڭ دە اقىر...»

اي-شٶرەك, ۇعا الاسىڭ با? –

جٷرەك شۇعاراسىندا

«شەشٸنگەن مارال» سەكٸلدٸ ەلەسٸڭ جاتىر!

...سىردى تەككە جاسىرعام – سالقىن كٷلٸپ,

مٶردەي كٶككە باسىلعان,

ايدىڭ قۇلاعىندا كٶنە سىرعا تۇر –

التىن قۇلىپ!..

 

                                                                  01.04.17 ج.

 

     29.قيماش-ەكٸمنٸڭ «قاعيداسى»

 

تۇمسىعى تٷتٸن سارىپ,

تاستادى ويىن ورتاعا سىر عىپ:

«زٸكٸر سالىپ –

ورالماقپىز با ٷڭگٸرلٸك-ورتاعاسىرلىق ٶمٸر سالتىنا?!»

بىلاي دەدٸم, كٶنە الماي ونىڭ شارتىنا:

«قالادى ەرتەڭ سەن-سالتانات, قيماس كەش,

قۇزارعا كەپ تٸرەلەدٸ قيعاش كٶش.

ٷڭگٸردەن تەرەڭ, زىنداننان كەرەڭ قابٸردە

نەنٸ, كٸمدٸ زٸكٸر ەتپەكسٸڭ, قيماش-دوس?!.»

 

                                                        01.04.17 ج.

 

30.حاۋف-ريجا

 

شىن اسىل يمان تابامىن با?

بولام با «ديدار-تالابىندا»?

عيبادات شاھارىن تۇرعىزدىم,

شاھارعا جۇماق باھارىن كٸرگٸزدٸم...

ىلعي قاتەر كٷتەم شايتاني شەرگٸلدٸكتەن,

كەنتٸمدٸ تورلاپ جٷر مالعۇن بٸتكەن...

بۇل جاڭالىق ەمەس, بٸراق – سٶيلەيدٸ كٶمەس شىراق:

«بولساڭ ەتتٸ اللاڭا ەسسٸز عاشىق,

بولار ەدٸ-اۋ ديدارى سٶزسٸز نەسٸپ!..»

 

                                                                 02.04.17 ج.

 

            31.جانتەسٸلٸم

 

ۇيىقتار الدىندا مەن ىلعي,

ٶمٸر دۋىنان  شىعىپ كەتە الماي كٶڭٸل-كٷي –

الاسۇرامىن...

سٶنٸپ بولمايدى لىپىلداپ قارا شىراعىم...

كەتپەيدٸ ٷرەي قۋ كٶڭٸلدەن:

ەزٸرەيٸل كەپ القىمنان تارپا باساردا –

شىعىپ كەتە الماي دۋلى ٶمٸردەن,

جانتالاسام با?..

 

                                                        02.04.17 ج.

 

32.قوس كٶبەلەكتٸڭ تاڭداۋى

 

تاڭ:

اق كٶبەلەك گٷلگە قوندى –

شىرىن الدى.

كەش:

قارا كٶبەلەك شامعا قوندى –

كٷلٸ قالدى.

تٷن:

ال, اقىن, تاڭدا جولدى,

الدىڭدا ەكەۋٸنٸڭ بٸرٸ قالدى...

 

                                       03.04.17 ج.

 

          33.ەدەبي ەۋەيٸنٸڭ «ەلەمٸ»

 

ول ٸلكٸ سەبي ساپارىندا ەلەمي –

كٶرشٸ بالانىڭ كٶلٸگٸن قوراسىنا تىعىپ تاستاعان!

ال العاشقى قادامىن ەدەبي –

«شوپپايىمەن» قارعا ٶلەڭ جازىپ باستاعان!

سول كٷيٸ ونىڭ «ىشقىردان» بويى اسپاعان,

سەبەبٸ ەلٸ كٷنگە, «ەدەتٸ» قىسسا –

جولداعىنى «كەتەگٸنە» ەكەتكٸسٸ كەلٸپ تۇرادى!

دەرەتٸ قىسسا –

ەدەبيەتتٸڭ اۋلاسىنا «كەك» ەتكٸسٸ كەلٸپ تۇرادى!

 

                                                                03.04.17 ج.

 

  34.رەينكارناتسييالىق ٷكٸم

 

ونى وزالدا جاراتقان –

قۇزعىن قارعا عىپ جاراتقان...

داۋىل ۇرعاندا ەر تاراپتان,

ول قارا دۇعا قىمتاپ قاناتىنا,

قوسىلىپ كەتكەن ادام ھەم قالامگەر ساناتىنا!

...بوقتى سٶزٸڭٸزبەن, وقتى كٶزٸڭٸزبەن

جەتەر, بىلعاعانىڭىز ارامىزدى!

قۇزعىن مىرزا,

باتىرىڭىز قاراڭىزدى!..

 

                                               03.04.17 ج.

 

          35.ٷركەر-تٸلەك

 

ٷركەرٸم-اۋ,

جٷزٸڭدٸ تاعى بۇلتپەن بٷركەدٸڭ-اۋ!..

ول نەسٸ? –

جۇلدىز بٸتكەننٸڭ ٶڭگەسٸ

سەنٸ قورلاعالى, سەنٸ تورلاعالى جٷرەتٸندەي!

جەردەگٸ كٷشٸك-سامال دا ساعان قاراپ ٷرەتٸندەي...

...بوزارىپ, توزاڭىپ, قازاعىپ تۇرعان كەيپٸڭدٸ كٶرسەم, –

كەڭەيٸپ, تارايىپ كەتەدٸ كٷركە-عالام!

تۇرعاي دا ٷركەر امان!..

 

                                                                     03.04.17 ج.

 

         36.قۇسني-جامال جىرى

 

بۇل دا بٸر «ٸسٸمي-عامال» –

مەن ساعان ارزۋ بولدىم, قۇسني-جامال!

كٷلكٸڭدٸ كٸرپٸگٸمە بايلادىم,

كٶز جاسىڭدى تالداردىڭ بٷرتٸگٸنە بايلادىم,

سەۋلەڭدٸ تاۋلاردىڭ كٷرتٸگٸنە بايلادىم...

ٷڭٸلٸپ ديدارىڭا الام كٶمەك –

اللانىڭ سيپاتتارىن تابام با دەپ?!

قۇسني-جامال, جانىڭا ٷيلەسەر مە ەم –

حاق سٷيٸپ جاراتقاندى سٷيمەسەم مەن?!.

 

                                                        03.04.17 ج.

 

       37.قۇلدىقتان قورىنۋ

 

وسىنداي ما ەك?..

تورلايدى توپاس تۇلدىق,

قورلايدى قاپاس قۇلدىق...

بٸزدٸك جٷرەك پەن سٷيەك ىلايىقتى ما –

كەپٸردٸڭ وسى كەرٸنە?!

«ەسٸكتەر اشىلعاي! – دەپ, –

باتتاسىپ قاننان, تات باسىپ قالعان!» –

قىلايىق دۇعا

سەرٸدە...

 

03.04.17 ج.

 

38.قوجا احمەت ياساۋي كەسەنەسٸ. قوس احۋال

 

وسى حەلدٸ نەشە كەشٸرەم –

ەۋليەگە بەكەر سيىنىپ پا ەدٸك?!

قوجا احمەت ياساۋي كەسەنەسٸنەن

وقيدى جازۋ كٸل كٶگەرشٸن جيىلىپ كەلٸپ!

اھ, سوسىن, «اللاھۋلاپ» سالادى-اي «جاھري زٸكٸر»!

...تۋا جازىلا ما تٸلەك پەشەنەگە? –

كٸرٸپ كٶرمەپتٸ جٷرەك-كەسەنەگە –

ٸرگەسٸندە تۋعان جەھٸلي كٷپٸر!..

و, توبا!..

 

                                               03.04.17 ج.

 

         39.ەر مەدٸنٸ كٷتۋ

 

جاسىندار بۇتاقتانىپ,

قارا بۇلت قالدى ٶرتەنبەي تۇتاپ بارىپ!

قارا تاس اڭساردان قارس ايرىلىپ,

گٷل جىرتتى قاناتتارىن اڭشا ايعا ۇلىپ!

جارتاستى جۋاس تولقىن قارعي سٷزدٸ,

كٷتٸپ جٷر بەرٸ-بەرٸ, ماھدي, سٸزدٸ!..

تاس تٷسٸنٸپ مەنٸ, شاتىرلاپ قانات... قۇس ۇققان,

كٶكٸرەگٸم لاپىلداپ باراد... ىشىقتان!

سوعادى ساقىلداپ ساعات!..

 

                                                        03.04.17 ج.

 

    40.تٶرتٸنشٸ قاتتىڭ اڭسارى

 

كٶك قاتى – تىلسىم جٷرەكتەن:

«ساعىندىم سٸزدٸ!» دەگەن بٸر كٷرسٸن دٸر ەتكەن...

قاجىتتى قىستىڭ سەرگەلدەڭدەرٸ,

كٶتەرە الار ما جانىم بۇل سىزدى?..

تۇرعىزار, بٸراق كٶردەن دە مەنٸ,

دەگەن ٷن جەتسە سول قاتتان: «ساعىندىم سٸزدٸ!..»

تەۋبا عىپ شىننان ساعىنار جٷرەك بارىنا,

تٶرتٸنشٸ قاتتىڭ قايتامىن تٷنەپ باعىنا!..

 

03.04.17 ج.

 

  41.ەلەسكە اربالۋ

 

شاندوز عالامنان – 77 تٷسكە بويالعان,

ەلەس كٶردٸم مەن, وي, اللام!

شايدان دا تەتتٸ, نەيدان دا تەتتٸ – تەپ-تەتتٸم,

سىيلادى ول ماعان كٷپ-كٷرەڭ شاتتىق, ەپپاق مۇڭ...

پەك ەدٸ نەتكەن – سۇبحان-حاق سٷيٸپ جاساعان,

اربايدى نۇرى. – پەرۋانا بولدىم ەسالاڭ...

شىرقاينالام نۇردى –

حيرقا-قاناتىما تاعىپ تەۋبە شاشاعىن,

ٶرتەنگەن سايىن – كٷل ەمەس, سەۋلە شاشامىن!

 

03.04.17 ج.

 

  42.تاعى اي-شٶرەك تۋرالى

 

شايقالىپ شايتاباعى كٶركەم,

اي تولادى ەرتەڭ.

شايىن ٸشكەندە اي-شارانىڭ,

ۇمىتىلىپ بەيشارا كٷن,

جان, بەلكي جاي تابادى, ەركەم...

قوسىلىپ كٷتكەن دۋمانعا,

سٸڭٸپ كەتەمٸن جىرشى تٷنگە مەن –

سٷيەگٸمدٸ سٷتپەن جۋعاندا

اي-شٶرەك – جٷرەك قۇساپ نۇر شٷپٸلدەگەن!..

 

03.04.17 ج.

 

43.ٷركەر مەن ايدىڭ توعىسى

 

ٷركەر مەن ايدىڭ توعىسى – سەۋٸردٸڭ تٶرتٸنە كەلدٸ,

جٷرەكتٸڭ تٸلكەم سوعىسى – ەۋٸردٸڭ ٶرتٸنە كٶمدٸ.

سەنٸسكەن يلھام-تٸلەكتٸڭ بەرٸسكەن سەرتٸ نە بولدى?..

كۋە-دٸرلٸككە «عايبەرەن-شٸلتەن» كەپ –

بٸز قاشان توعىسامىز اي مەنەن ٷركەر بوپ?

قاشان اشىلار شىمىلدىق – شٸلتەر كٶك?..

قامايدى كٷركەمدٸ ٶرت...

جالايدى بٸلتەمدٸ وت...

 

                                                        04.04.17 ج.