قازاقستان رەسپۋبليكاسى ٷكٸمەتٸنٸڭ 2020 جىلعى 4 اقپانداعى قاۋلىسىمەن سۇڭعات قۋاتۇلى ەسٸمحانوۆ باسقا جۇمىسقا اۋىسۋىنا بايلانىستى قر ەنەرگەتيكا ۆيتسە-مينيسترٸ قىزمەتٸنەن بوساتىلدى. بۇل تۋرالى "ۇلت اقپارات" primeminister.kz سٸلتەمە جاساپ حابارلايدى.
سۇڭعات ەسٸمحانوۆ 1973 جىلى 30 قاراشادا پاۆلودار وبلىسىندا دٷنيەگە كەلگەن. 1996 جىلى پاۆلودار يندۋستريالدى ينستيتۋتىن, 2007 جىلى قاراعاندىنىڭ «بولاشاق» ٶزەكتٸ بٸلٸم بەرۋ ينستيتۋتىن تەمامداعان.
ەڭبەك جولىن 1996 جىلى «اليۋمينيي قازاقستان» اق-نىڭ گيدرومەتاللۋرگييالىق تسەحىندا ينجەنەر بولىپ باستاعان.
2001-2007 جىلدارى استانا, اقتاۋ, قاراعاندى قالالارى بويىنشا قر تابيعي مونوپولييالاردى رەتتەۋ, بەسەكەلەستٸكتٸ قورعاۋ جەنە شاعىن بيزنەستٸ قولداۋ اگەنتتٸگٸنٸڭ قۇرىلىمىندا مامان, بٶلٸم باسشىسى, دەپارتامەنت ديرەكتورى قىزمەتتەرٸن اتقارعان.
2008-2010 جىلدارى پاۆلودار وبلىسىنىڭ ەنەرگەتيكا جەنە كوممۋنالدىق شارۋاشىلىق باسقارماسىن باسقاردى.
2010-2013 جىلدارى — «قازاقەنەرگوساراپتاۋ» اق پرەزيدەنتٸ بولدى.
2013-2014 جىلدارى — قر يندۋسترييا جەنە جاڭا تەحنولوگييالار مينيسترلٸگٸنٸڭ ەلەكتر ەنەرگەتيكاسى جەنە كٶمٸر ٶنەركەسٸبٸ دەپارتامەنتٸنٸڭ ديرەكتورى بولىپ جۇمىس ٸستەدٸ.
2014-2018 جىلدارى — قر ەنەرگەتيكا مينيسترلٸگٸنٸڭ اتومدىق جەنە ەنەرگەتيكالىق قاداعالاۋ مەن باقىلاۋ كوميتەتٸنٸڭ تٶراعاسى قىزمەتٸن اتقاردى.
2018 جىلعى قاراشادان باستاپ قازٸرگٸ تاڭعا دەيٸن قر ەنەرگەتيكا ۆيتسە-مينيسترٸ قىزمەتٸن اتقاردى.
