المالى اۋداندىق سوتى Sulpak دٷكەنٸنٸڭ ماڭىندا وتالعان اعاشتارعا قاتىستى ٸسكە ٷكٸم شىعاردى, دەپ حابارلايدى "ۇلت اقپارات".
سوت جك ٶكٸلٸ جاننا نۇرتاەۆاعا قاتىستى ٸستٸ قر قك 339-بابى, 1-بٶلٸگٸ "ٶسiمدiكتەردٸڭ سيرەك كەزدەسەتiن جەنە قۇرىپ كەتۋ قاۋپi بار تٷرلەرٸن جويۋ" بويىنشا قارادى.
قىزىل كٸتاپقا ەنگەن ەمەن اعاشتارىن كەسۋ ٸسٸ بويىنشا كٷدٸكتٸ دەپ تانىلعان جاننا نۇرتاەۆا ايىپپۇل تٶلەيتٸن بولدى.
"سوت جاننا نۇرتاەۆانى قازاقستاننىڭ قىلمىستىق كودەكسٸنٸڭ 339-بابى 1-بٶلٸگٸندە كٶزدەلگەن قىلمىستىق قۇقىق بۇزۋشىلىق جاساعانى ٷشٸن كٸنەلٸ دەپ تانىپ, 55-بابىنىڭ 4-بٶلٸگٸن قولدانا وتىرىپ, 1500 اەك مٶلشەرٸندە, ياعني 4 ميلليون 167 مىڭ تەڭگە سوماسىندا ايىپپۇل تٷرٸندە جازا تاعايىندادى. ايىپپۇلدى تٶلەۋ مەرزٸمٸ زاڭدى كٷشٸنە ەنگەننەن كەيٸن ەكٸ اي دەپ بەلگٸلەنسٸن", - دەدٸ سوت.
بۇعان دەيٸن, سوت وتىرىسىندا مەملەكەتتٸك ايىپتاۋشى سۋديادان كٸنەلٸگە باس بوستاندىعىن ايىرۋ جازاسىن تاعايىنداۋدى سۇراعان بولاتىن.
«ايىپتالۋشى بۇل جۇمىسپەن جىلدار بويى اينالىسىپ كەلدٸ. ول جاسىل جەلەكتەردٸ كەسۋگە تىيىم سالۋ تۋرالى زاڭدى بٸلۋٸ كەرەك. پروباتسييالىق باقىلاۋ ورناتىپ, كەسٸپكەرلٸك قىزمەتپەن اينالىسۋ قۇقىعىنان ايىرۋدى جەنە 4 جىلعا سوتتاۋدى سۇرايمىن», - دەدٸ پروكۋرور.
سوتتالۋشى ٶز كٸنەسٸن ٸشٸنارا مويىنداپ, سوتتان 339-باپتى 340-باپقا اۋىستىرۋدى سۇراعان ەدٸ.
«مەنٸڭ كەمەلەتكە تولماعان بالالارىم جەنە قارت اتا-انام بار, بۇل شەشٸم ولار ٷشٸن ٷلكەن سوققى بولادى. الماتى تۇرعىندارىنان جاساعان ٸسٸم ٷشٸن كەشٸرٸم سۇرايمىن. مۇنى ەسكەرۋٸڭٸزدٸ ٶتٸنەمٸن, قۇرمەتتٸ سۋديا. كەشٸرٸڭٸز. مەن ەندٸ نە ٸستەگەنٸمدٸ تٷسٸندٸم. مەن ەلٸ جاسپىن, سوندىقتان الماتى ٷشٸن كٶپ نەرسە جاساۋعا تىرىسامىن. اعاش وتىرعىزامىن, كٶگالداندىرۋ جۇمىستارىنا اتسالىسامىن. مەن ٶزٸمدٸ اقتاپ جاتقان جوقپىن. بٸراق سٸزدەن جازانى جەڭٸلدەتۋٸڭٸزدٸ سۇرايمىن. مەنٸڭ كٸشكەنتاي بالالارىم بار, مەنەن باسقا ولاردى تەربيەلەيتٸن ەشكٸم جوق», - دەدٸ جاننا نۇرتاەۆا.
ەسكە سالايىق, بىلتىر 23 قاراشا كٷنٸ الماتىدا ساۋدا ٷيٸنٸڭ جانىنداعى جايقالعان ەمەن مەن قاراعاش وتالدى. بۇل تۋرالى تۇرعىندار ەلەۋمەتتٸك جەلٸدە نارازىلىق بٸلدٸردٸ.
كەيٸن الماتى قالالىق جاسىل ەكونوميكا باسقارماسى ساۋدا ٷيٸنٸڭ الدىنداعى اعاشتاردىڭ جاپپاي كەسٸلۋٸنٸڭ مەن-جايىن انىقتادى.
پرەزيدەنت قاسىم-جومارت توقاەۆ الماتى قالاسى تٶلە بي كٶشەسٸندەگٸ اعاشتاردىڭ وتالعانىنا قاتىستى جاعدايعا نازار اۋداردى.
مەملەكەت باسشىسى الماتى ەكٸمٸ باقىتجان ساعىنتاەۆقا اتالعان جاعدايعا بايلانىستى قىزمەتتٸك تەكسەرۋ جٷرگٸزٸپ, كٸنەلٸلەردٸ جاۋاپكەرشٸلٸككە تارتۋدى تاپسىردى.
ال, بيىلعى جىلدىڭ ناۋرىزىندا Sulpak دٷكەنٸ الدىنداعى اعاشتاردىڭ وتالۋىنا قاتىستى ٸس سوتقا بەرٸلدٸ.
