فوتو: اشىق دەرەككٶز
اقتٶبە وبلىسىندا قارعىن سۋعا كەتكەن مال ٶلەكسەلەرٸن ٶرتەپ جٸبەرمەسە, ٸندەت تاراۋى مٷمكٸن دەيدٸ ماماندار. بٸراق شىعىندى ٶندٸرۋ ٷشٸن دە دەلەل كەرەك. ال اۋىل حالقى سۋعا ٸسٸنگەن تٶرت تٷلٸكتٸ ساقتاپ وتىرا المايمىز دەيدٸ. تاسقىنعا قاتىستى قۇرىلعان كوميسسييا شىعىن ٶندٸرۋدٸ ٶلەكسەگە قاراپ باعالامايتىن بولدىق دەپ وتىر. سول سەبەپتٸ ارام قاتقان مال-مٷلٸك ٶرتەلەتٸن بولدى, دەپ حابارلايدى «ۇلت اقپارات» كتك ارناسىنا سٸلتەمە جاساپ.
ويىل اۋدانىنا قاراستى قاراتال اۋىلىنىڭ تۇرعىندارى قارعىن سۋ كەلەردە قوراداعى ۇساق مالدى شىعارىپ ٷلگەرمەگەن. بۋاز سيىر مەن بۇزاۋلاعان مٷيٸزدٸ ٸرٸ قارا دا اۋىل ٸشٸندە قالىپتى. قازٸر ەندٸ ٶلەكسەلەرٸ تەڭكيٸپ ەر جەردە جاتىر. سۋدا قالعان تٶرت تٷلٸكتٸڭ ٸشٸ ٸسٸپ, كٷلٸمسٸ يٸس اۋىلدى الىپ كەتكەن. كٷنٸ كەشە تەكسەرۋگە كەلگەندەر ٶلەكسەلەردٸ ساقتاپ قويۋدى تاپسىرىپتى. ودان بٶلەك اعىسپەن كەتكەن مال شىعىنىن قالاي ٶندٸرەمٸز دەپ وتىر.
بەرسيەۆ اۋىل وكرۋگٸنٸڭ قاراتالىنداعىلار تەك تٶرت تٷلٸكتٸڭ ارقاسىندا كٷن كٶرٸپ وتىر. مال باسىن كٶبەيتۋ ٷشٸن نەسيە العاندارى دا جەتەرلٸك. شىعىنىمىزدى ەسەلەپ الماساق تا, قوراداعى ٸرٸ قارامىز بەن قوي-ەشكٸمٸزدٸ تٷگەندەپ بەرسە دەيدٸ.
"بەرسيەۆ مالمەن وتىر. ەل مالسىز قالدى. بٸرٸنشٸ جانىمىز دەپ ويلادىق. جان قالعاننان كەيٸن مال كەرەك. كرەديتكە الىنعان مال بار. سولاردىڭ بەرٸ ٶندٸرٸلٸپ, بارلىعىن اياعىنان تۇرعىزسا. بٸزدٸڭ ٶتٸنٸش سول", - دەيدٸ قاراتال اۋىلىنىڭ تۇرعىنى ەرمەكباي ورازعاليەۆ.
اۋىل ەكٸمٸ تاسقىنان كەيٸن وسى مال ٶلەكسەلەرٸنەن قاۋٸپ بارىن جاسىرمايدى. ٸندەت تاراپ كەتە مە دەپ الاڭداپ وتىرعانىن ايتادى. بٸراق ٶلەكسەلەردٸ اۋىل سىرتىنا شىعارىپ تاستاۋعا مٷمكٸندٸك جوق دەپ وتىر.
"ٶتە قاۋٸپتٸ. اۋرۋ تاراپ كەتۋٸ مٷمكٸن. بارىمىزشا ٶزٸمٸز ٷيدەن شىعارىپ, دايىنداپ, بٸر جەرگە ٷيٸپ جاتىرمىز. ٶيتكەنٸ كٶلٸك بارا المايتىن جەرلەر بار. قازىپ كەتكەن. سوعان بٸر جەردە جيناپ قويىپ جاتىرمىز. ەۋەلٸ اۋىل ٸشٸندەگٸنٸ جيناقتاپ الىپ, سولاردى ەسەپكە الامىز دەدٸ", - دەيدٸ ش. بەرسيەۆ اۋىل وكرۋگٸنٸڭ ەكٸمٸ نۇربەك شەۋمەنوۆ.
ال ارنايى كوميسسييا تٶرت تٷلٸكتٸڭ شىعىنىن ۆەتەرينارلاردىڭ تٸزٸمٸ بويىنشا تٷگەندەيمٸز دەپ وتىر. ياعني اعىسپەن كەتكەن مالدىڭ ٶلەكسەسٸن ٸزدەۋدٸڭ قاجەتٸ جوق. سوندىقتان اۋىل ٸشٸندەگٸ ٶلەكسەلەردٸ دەرەۋ ٶرتەۋگە تاپسىرما بەرٸپتٸ.
