فوتو: اشىق دەرەككٶز
قازاقستاندا تۇرمىستىق جاعدايدا سۋدى ٷنەمدەۋدٸڭ جاڭا ەدٸستەمەلٸك ۇسىنىستارى ەزٸرلەندٸ, دەپ حابارلايدى Ult.kz.
سۋ رەسۋرستارى جەنە يرريگاتسييا مينيسترلٸگٸ ۇسىنعان كەڭەستەر سۋدى ۇتىمدى پايدالانۋ مەدەنيەتٸن قالىپتاستىرۋعا باعىتتالعان.
مينيسترلٸك مەلٸمەتٸنشە, قاراپايىم ەرەجەلەردٸ ساقتاۋ ارقىلى التى ادامنان تۇراتىن بٸر وتباسى جىلىنا 35 مىڭ ليترگە دەيٸن سۋ ٷنەمدەي الادى.
ۇسىنىلعان كەڭەستەر قاتارىندا:
-
كٸر جۋعىش جەنە ىدىس جۋعىش ماشينالاردى تەك تولىق جٷكتەمەمەن قوسۋ;
-
تٸس تازالاعاندا كراندى جاۋىپ, ستاقانمەن سۋ ٸشۋ;
-
ۆاننانىڭ ورنىنا قىسقا دۋش قابىلداۋ;
-
كٶكٶنٸس پەن جەمٸستەردٸ اعىپ تۇرعان سۋدىڭ ورنىنا ىدىستا جۋۋ;
-
اۆتوماتتى سەنسورلى كرانداردى قولدانۋ;
-
ۋنيتازدارعا ەكٸ دەڭگەيلٸ سۋ جٸبەرۋ جٷيەسٸن ورناتۋ;
-
سۋدىڭ قىسىمىن رەتتەيتٸن اەراتورلاردى پايدالانۋ;
-
اقاۋى بار كرانداردى دەر كەزٸندە جٶندەۋ سەكٸلدٸ كٷندەلٸكتٸ قولدانۋعا بولاتىن قاراپايىم, بٸراق تيٸمدٸ ەدٸستەر بار.
مينيسترلٸك بۇل ۇسىنىستاردى حالىققا كەڭٸنەن تاراتۋ ٷشٸن كٶشەلەردە, مەكتەپتەر مەن ۋنيۆەرسيتەتتەردە, ۆوكزالدار مەن ەۋەجايلاردا اقپاراتتىق باننەرلەر ورنالاستىرۋدى جوسپارلاپ وتىر.
«بٸز تۇرمىستا سۋدى ٷنەمدەۋدٸڭ ماڭىزىن مٷمكٸندٸگٸنشە كٶپ ادامعا جەتكٸزگٸمٸز كەلەدٸ. ەربٸر ازامات ەلدٸڭ سۋ رەسۋرستارىن ساقتاۋعا ٷلەس قوسا الادى. مينيسترلٸك ەزٸرلەگەن ۇسىنىستار سۋدى ٷنەمدەۋ – وڭاي ەرٸ تيٸمدٸ ەكەنٸن كٶرسەتٸپ وتىر», – دەدٸ سۋ رەسۋرستارى جەنە يرريگاتسييا مينيسترٸ نۇرجان نۇرجٸگٸتوۆ.
مينيسترلٸك الداعى ۋاقىتتا اقپاراتتىق-تٷسٸندٸرۋ جۇمىستارىن كٷشەيتٸپ, ۇسىنىستاردى ەلٸمٸزدٸڭ بارلىق ٶڭٸرلەرٸنە جەتكٸزۋدٸ كٶزدەپ وتىر.
