فوتو: قر پارلامەنتٸ مەجٸلٸسٸنٸڭ باسپاسٶز قىزمەتٸ
اقتٶبە, قوستاناي, اتىراۋ, اقمولا, قاراعاندى وبلىستارىندا سۋ تاسقىنى باستالعاننان بەرٸ 1376 ٷي جەنە 1319 اۋلا اۋماعى سۋ استىندا قالدى, دەپ حابارلايدى تٶتەنشە جاعدايلار مينيسترلٸگٸ.
ٷشٸنشٸ سەۋٸردەگٸ جاعداي بويىنشا, 1 345 ادام, ونىڭ ٸشٸندە 496 بالا قۇتقارىلدى جەنە ەۆاكۋاتسييالاندى.
"سۋ تاسقىنى باستالعاننان بەرٸ 17 131 ادام, ونىڭ ٸشٸندە 6 683 بالا ەۆاكۋتسييالاندى. 748 مىڭ م3 ەرٸگەن قار سۋى سورىلدى, 106 مىڭنان استام قاپ جەنە 156 مىڭ توننا ينەرتتٸ ماتەريال تٶسەلدٸ. جالپى سۋ تاسقىنى باستالعاننان بەرٸ 5,7 ملن. م3 استام ەرٸگەن قار سۋى سورىلدى. 638 مىڭنان استام قاپ جەنە 912 مىڭ توننا ينەرتتٸ ماتەريال تٶسەلد", - دەيدٸ ۆەدومستۆوداعىلار.
رەسپۋبليكالىق, وبلىستىق جەنە جەرگٸلٸكتٸ ماڭىزى بار 9 اۆتوجول ارقىلى سۋ جٷردٸ, 18 اۆتوجولدى سۋ شايدى. جالپى 77 اۆتوجول, ونىڭ ٸشٸندە 4 كٶپٸر جەنە 73 جول تٶسەمٸن قىزىل سۋ شايىپ كەتتٸ. 67 ەلدٸ مەكەن كٶلٸك قاتىناسىنسىز قالدى.
"قاردىڭ تەز ەرۋٸنە بايلانىستى اقمولا وبلىسى جارقايىڭ اۋدانىنىڭ پريگورودنوە اۋىلىنداعى 8 جەكە تۇرعىن ٷيدٸ سۋ باستى. 19 ادام, ونىڭ ٸشٸندە 2 بالا جەنە 1 جٷكتٸ ەيەل ەۆاكۋاتسييالاندى, بۇل رەتتە بارلىق ەۆاكۋاتسييالانعاندار تۋىستارىنىڭ ٷيلەرٸنە باردى, سونداي-اق 34 باس مال قاۋٸپسٸز جەرلەرگە ايدالدى", - دەيدٸ مينيسترلٸك.
اقتٶبە وبلىسى ىرعىز اۋدانىنىڭ قاراساي اۋىلىندا 1 جەكە تۇرعىن ٷي مەن 2 اۋلا اۋماعىن سۋ باستى, تۇرعىندار الدىن الا ەۆاكۋاتسييالانعان.
"قاردىڭ ەرۋٸ مەن "تەرەڭساي" بٶگەتٸنٸڭ سۋعا تولۋى سالدارىنان ەيتەكە بي اۋدانىنىڭ ايكە اۋىلىنداعى 2 جەكە تۇرعىن ٷيدٸ سۋ باستى, اۋىلدان جٷرگەنەۆ اۋىلىنا الدىن الا 297 ادام, ونىڭ ٸشٸندە 79 بالا ەۆاكۋاتسييالاندى. ويىل اۋدانىنىڭ 5 ەلدٸ مەكەنٸندەگٸ جەكە ٷيلەردٸ سۋ باسۋىنا بايلانىستى قر قم ەۋە كەمەلەرٸندە ويىل اۋىلى مەن اقتٶبە قالاسىنا قوسىمشا 85 ادام, ونىڭ ٸشٸندە 27 بالا ەۆاكۋاتسييالاندى", - دەيدٸ تٶتەنشە جاعداي سالاسىنىڭ ماماندارى.
باتىس قازاقستان وبلىسىندا ۇزىنكٶل سۋ قويماسىنىڭ تولۋى سالدارىنان تەرەكتٸ اۋدانى ۇزىنكٶل كەنتٸن سۋ باسۋ قاۋپٸ تٶندٸ. وسىعان بايلانىستى تەرەكتٸ اۋدانى پودستەپنوە اۋىلى مەن ورال قالاسىنداعى حالىق الدىن الا ەۆاكۋاتسييالاندى: 705 ادام, ونىڭ ٸشٸندە 230 بالا. سونداي-اق, دەركٶل جەنە شاعان ٶزەندەرٸندە سۋ دەڭگەيٸنٸڭ كٶتەرٸلۋٸنە بايلانىستى ورال قالاسىنداعى دەركٶل كەنتٸنٸڭ ساياجاي قوعامدارىنان جەنە سامال اۋدانىنداعى تۇرعىن ٷيلەر مەن ساياجاي قوعامدارىنان تۇرعىندار ەۆاكۋاتسييالانىپ جاتىر.
اۆارييالىق-قۇتقارۋ جۇمىستارىنا تجم, قم, ٸٸم, ۇقك, جەرگٸلٸكتٸ اتقارۋشى ورگانداردىڭ, ۇيىمداردىڭ 12 مىڭنان استام ادام, 2,5 مىڭ تەحنيكا, 801 سۋ ايداۋ قۇرالى جەنە 105 جٷزۋ قۇرالى, 9 ەۋە كەمەسٸ جۇمىلدىرىلدى.
