سۋ دوبىنان قازاقستان ەرلەر قۇراماسى دجاكارتادا ٶتٸپ جاتقان ازييا ويىندارىندا چەمپيون اتاندى. ولار فينالدا جاپونييا قۇراماسىن جەڭدٸ - 7:8. بۇل تۋرالى ازاتتىق حابارلادى.
قازاقستان قۇراماسى ويىن بارىسىندا 2:5 ەسەبٸمەن جەڭٸلٸپ جاتقان. سوڭعى تايمدا ەسەپتٸ تەڭەستٸرٸپ, ويىن اياقتالۋعا ەكٸ مينۋت قالعاندا قازاقستان ويىنشىسى رۋستام ۋكۋمانوۆ جەڭٸس گولىن سالدى.
سۋ دوبىنان قازاقستان ەرلەر قۇراماسى 1994, 1998, 2002, 2010 جەنە 2014 جىلعى ازييا ويىندارىندا دا چەمپيون اتانعان. 2006 جىلعى ازييا ويىندارىندا جاپونييا چەمپيون بولىپ, قازاقستان قولا يەلەنگەن.
دجاكارتاداعى ازييا ويىندارىندا قازاقستان 15 التىن, 17 كٷمٸس, 43 قولامەن جالپى ەسەپتە 9-ورىندا تۇر.
