قازاق ۇلتتىق قىزدار پەداگوگيكالىق ۋنيۆەرسيتەتٸنٸڭ PhD دوكتورى, اعا وقىتۋشى ايجان قوڭىروۆانىڭ جەتەكشٸلٸگٸمەن ستۋدەنتتەر توبى تاريح ساباقتارىندا ينتەراكتيۆتٸ تسيفرلىق كارتالار مەن جاساندى ينتەللەكت تەحنولوگييالارىن تيٸمدٸ قولدانۋعا باعىتتالعان «TarikhMap» يننوۆاتسييالىق پلاتفورماسىن ەزٸرلەدٸ, دەپ حابارلايدى ult.kz.
«TarikhMap» پلاتفورماسىنىڭ نەگٸزگٸ ماقساتى – تاريح پەنٸن وقىتۋدى تسيفرلاندىرۋ, بٸلٸم الۋشىلاردىڭ پەنگە دەگەن قىزىعۋشىلىعىن ارتتىرۋ جەنە پەداگوگتەردٸڭ ۋاقىتىن تيٸمدٸ ۇيىمداستىرۋعا مٷمكٸندٸك جاساۋ.
بٷگٸندە ۋنيۆەرسيتەت ستۋدەنتتەرٸ پەداگوگيكالىق پراكتيكا بارىسىندا اتالعان تسيفرلىق جٷيەنٸ بەلسەندٸ پايدالانىپ, جاڭا تاقىرىپتاردى تٷسٸندٸرۋدە, مەملەكەتتەردٸڭ اۋماقتىق ٶزگەرٸستەرٸن تانىستىرۋدا جەنە تاريحي وقيعالاردىڭ ٶتكەن ورىندارىن ينتەراكتيۆتٸ فورماتتا كٶرسەتۋدە قولدانىپ كەلەدٸ. بۇل ٶز كەزەگٸندە وقۋشىلاردىڭ كٶرنەكٸ قابىلداۋىن كٷشەيتٸپ, اقپاراتتى ەستە ساقتاۋ قابٸلەتٸن ارتتىرۋعا ىقپال ەتەدٸ.
سونىمەن قاتار تسيفرلىق كارتالاردىڭ مٷمكٸندٸكتەرٸ وقۋ باعدارلاماسى ماتەريالدارىن بەكٸتۋگە, ٷي تاپسىرمالارىن تەكسەرۋگە جەنە جوعارى سىنىپ وقۋشىلارىن ۇلتتىق بٸرىڭعاي تەستٸلەۋگە (ۇبت) دايارلاۋ ٷدەرٸسٸندە جوعارى تيٸمدٸلٸك تانىتىپ وتىر.
جوبا پەداگوگيكالىق باعىتتاعى ستۋدەنتتەر مەن مۇعالٸمدەردٸڭ ساپالى تسيفرلىق بٸلٸم بەرۋ كونتەنتٸنە قول جەتكٸزۋ مەسەلەسٸن شەشٸپ قانا قويماي, بولاشاق مامانداردىڭ اقپاراتتىق تەحنولوگييالار سالاسىنداعى قۇزىرەتتەرٸن دامىتۋعا جەنە ولاردىڭ كەسٸبي ەرٸ كەسٸپكەرلٸك ەلەۋەتٸن ارتتىرۋعا مٷمكٸندٸك بەرەتٸن زاماناۋي بٸلٸم بەرۋ قۇرالى رەتٸندە ەرەكشەلەنەدٸ.
اتالعان پلاتفورما «Startup-Tomiris» بايقاۋىندا ٷزدٸكتەر قاتارىنان كٶرٸنٸپ, 1 ملن تەڭگە كٶلەمٸندەگٸ قارجىلاي گرانتقا يە بولدى. قازٸرگٸ تاڭدا پلاتفورما الماتى قالاسى مەن الماتى وبلىسىنداعى بٸرقاتار مەكتەپتەردٸڭ وقۋ ٷدەرٸسٸنە كەزەڭ-كەزەڭٸمەن ەنگٸزٸلٸپ كەلەدٸ.
