ٶزبەكستاننىڭ بۇحارا قالاسىندا وقىس وقيعا بولىپ, مەديتسينا ۋنيۆەرسيتەتٸندە بٸلٸم الىپ جٷرگەن 22 جاستاعى ٷندٸستاندىق ستۋدەنت قىز جانجالدان كەيٸن العان اۋىر جاراقاتىنان كٶز جۇمدى, دەپ حابارلايدى ult.kz.
الدىن الا مەلٸمەت بويىنشا, وقيعا 3 شٸلدە كٷنٸ بولعان. ەكەۋٸ اراسىندا تۋىنداعان جانجال كەزٸندە 23 جاستاعى كۋرستاسى قىزدىڭ باسىنان نوۋتبۋكپەن ۇرعان. زارداپ شەككەن ستۋدەنت اۋىر جاعدايدا اۋرۋحاناعا جەتكٸزٸلگەنٸمەن, دەرٸگەرلەر ونىڭ ٶمٸرٸن ساقتاپ قالا المادى. ماماندار ٶلٸمگە ٸشكٸ قان كەتۋ سەبەپ بولعانىن حابارلادى.
قازا تاپقان ستۋدەنتتٸڭ ەسٸمٸ ساۆارييا ەكەنٸ بەلگٸلٸ. ول ٷندٸستاننىڭ كەرالا شتاتىنداعى الاپپۋجا اۋدانىنان شىققان جەنە بۇحارا مەملەكەتتٸك مەديتسينا ينستيتۋتىندا وقىعان. ال كٷدٸكتٸ سادارۋل انام دا ٷندٸستان ازاماتى ەرٸ سول وقۋ ورنىندا بٸلٸم العان. ونى ٶزبەكستاننىڭ قۇقىق قورعاۋ ورگاندارى وقيعا بولعان كٷنٸ-اق ۇستاعان. قازٸر ٸس بويىنشا تەرگەۋ امالدارى جٷرگٸزٸلٸپ جاتىر.
ٷندٸستاندىق باق مەلٸمەتٸنشە, مارقۇمنىڭ دەنەسٸ الدىمەن نيۋ-دەليگە جەتكٸزٸلٸپ, كەيٸن تۋعان جەرٸ كەرالا شتاتىنا جٶنەلتٸلگەن. قىزدىڭ مەيٸتٸن ەلگە قايتارۋدى ونىڭ ناعاشى اعاسى ۇيىمداستىرعان. ال كۋۆەيتتە جۇمىس ٸستەيتٸن ەكەسٸ ۆيزا مەسەلەسٸنە بايلانىستى ٶزبەكستانعا بارا الماعان.
ٶزبەكستاننىڭ باس پروكۋراتۋراسى وقيعاعا قاتىستى قىلمىستىق ٸس قوزعالعانىن راستادى. تەرگەۋ بارىسى بۇحارا قالالىق ٸشكٸ ٸستەر باسقارماسىنىڭ تەرگەۋ بٶلٸمٸ باقىلاۋىندا.
