ستوكگولمدە شۆەتسييا, دانييا, نورۆەگييا جەنە فينلياندييادا تۇراتىن وتانداستاردىڭ بيزنەس-فورۋمى ٶتتٸ, دەپ حابارلايدى "ۇلت اقپارات".
21 قازان كٷنٸ ستوكگولمدە شۆەتسييا, دانييا, نورۆەگييا جەنە فينلياندييادا تۇراتىن وتانداستاردىڭ بيزنەس-فورۋمى بولدى. فورۋم – قازاقستاننىڭ تۇڭعىش پرەزيدەنتٸ – ەلباسى نۇرسۇلتان نازارباەۆتىڭ باستاماسىمەن بەكٸتٸلگەن «وتانداستار قورى» كەاق جەنە دٷنيەجٷزٸ قازاقتارى قاۋىمداستىعىنىڭ سولتٷستٸك ەۋروپادا تۇراتىن قازاقتارمەن بايلانىستى نىعايتۋ باعدارلاماسىنىڭ بٸر بٶلٸگٸ.
وعان قازاق دياسپورالارىنىڭ ليدەرلەرٸ, بەلسەندٸلەرٸ, قازاقستاننىڭ شۆەتسيياداعى ەلشٸسٸ قايرات ەبدٸراحمانوۆ, دٷنيەجٷزٸ قازاقتارى قاۋىمداستىعى تٶراعاسىنىڭ ورىنباسارى ارعىن وسپانوۆ, «وتانداستار قورىنىڭ» جاۋاپتى قىزمەتكەرلەرٸ, شۆەتسييانىڭ قازاقستانداعى تۇڭعىش ەلشٸسٸ ماننە ۆەنگبورگ, قازاقستاننىڭ دانييا, فينلياندييا جەنە شۆەتسيياداعى قۇرمەتتٸ كونسۋلدارى, سولتٷستٸك ەۋروپا ەلدەرٸندەگٸ كومپانييالاردا جۇمىس ٸستەيتٸن قازاقتار, تٷركٸستان, قاراعاندى وبلىستارىنىڭ جٷن ٶڭدەۋ, اۋىل شارۋاشىلى, اگروتۋريزم سيياقتى سالالارداعى بيزنەسمەندەرٸ قاتىستى.
قاۋىمداستىق پەن قور ٶكٸلدەرٸ بٷكٸل ەلەمدە «قازاق ٷيٸ» قازاق مەدەني-ٸسكەرلٸك ٷيٸنٸڭ قۇرامىنا كٸرەتٸن مەدەني ورتالىقتار مەن ٸسكەرلٸك ٷيلەرٸنٸڭ جەلٸسٸن قۇرۋ جوسپارلارىن بٶلٸستٸ.
بيزنەس-فورۋمعا قاتىسۋشىلار شاعىن, ورتا جەنە ٸرٸ بيزنەستەگٸ باستامالاردى ىنتالاندىرۋ, ٶزارا ىقپالداستىق تەتٸكتەرٸ, ستارتاپتاردى دامىتۋ مەسەلەلەرٸن تالقىلادى. قاتىسۋشىلارعا قازاقستان ٶڭٸرلەرٸندە بيزنەس اشىپ, دامىتۋعا قولايلى ينۆەستيتسييالىق ەلەۋەت تانىستىرىلدى. كەزدەسۋدە قالپىنا كەلەتٸن ەنەرگييا, اقپارات تەحنولوگييالارى, قۇرىلىس ماتەريالدارى, شيكٸزات ٶڭدەۋ, مۇناي حيميياسى, تاۋ-كەن ٶنەركەسٸبٸ, كٶلٸك جەنە لوگيستيكا, اۋىل شارۋاشىلىعى, بٸلٸم-عىلىم, سونىڭ ٸشٸندە تٷركولوگييا, تۋريزم سالالارىنداعى ٶزەكتٸ جوبالار ايقىندالدى.
سونىمەن قاتار قور ٶكٸلدەرٸ بارشا قازاق دياسپوراسىمەن تىعىز بايلانىس ورناتۋعا ەزٸر ەكەنٸن بٸلدٸردٸ. ول ٷشٸن وتانداستار مەسەلەلەرٸنە جاۋاپ بەرەتٸن بٸرىڭعاي بايلانىس ورتالىعى اشىلعان. شۆەتسيياداعى بيزنەس-فورۋم بيىل ٶتكٸزٸلگەن التىنشى فورۋم بولدى. بۇعان دەيٸنگٸسٸ 20 قىركٷيەكتە لوندوندا ٶتكەن.
شارادا قازاقستان جاستار قاۋىمداستىعىنىڭ تٶراعاسى ايدانا بەكبەرگەن كٶپتٸڭ كٶزٸنشە ەلەكتروندىق فورماتتاعى ۋاقىت كاپسۋلاسىن بەكٸتتٸ. جاس وتانداستارعا ٷندەۋ جولدانعان كاپسۋلا 2025 جىلى اشىلادى.
قازاقستان دەلەگاتسيياسى قۇرامىندا بارعان كەسٸپكەرلەردٸڭ ۇسىنىستارى دا قاتىسۋشىلاردى قىزىقتىردى. «شىمكەنت كاشەمير» جٷن ٶڭدەۋ فابريكاسىنىڭ باسشىسى شاعانبەك قانجاربايۇلى ٶنٸمٸن سكانديناۆ ەلدەرٸنە ساتۋ نيەتٸن بٸلدٸردٸ. «Toksumak» ەكو-اگرو-كەنتٸنٸڭ اۆتورى ولجاس وماروۆ تۇرعىنداردىڭ ەلەۋمەتتٸك ەل-اۋقاتىن نىعايتاتىن ەرٸ ەتنيكالىق قازاقتاردى قازاقستانعا تارتۋعا مٷمكٸندٸك بەرەتٸن جوبالاردى دامىتۋعا ينۆەستيتسييا تارتۋ تۋرالى ۇسىنىستارىن ايتتى.
