الماتى قالالىق قوعامدىق دەنساۋلىق باسقارماسى باسشىسى ورىنباسارىنىڭ مٸندەتٸن اتقارۋشى لاۋرا مىرزاعالي ونلاين بريفينگتە سوزىلمالى اۋرۋى بار ادامدارعا ۆاكتسينا سالۋعا بولاتىنىن ايتتى, دەپ حابارلايدى "ۇلت اقپارات".
سپيكەردٸڭ ايتۋىنشا, ۆاكتسينا سالۋعا قاتىستى قارسى كٶرسەتٸلٸمدەر كٶپ ەمەس.
«سوزىلمالى اۋرۋى بار ادامدار كٶپ, الايدا ولارعا ۆاكتسينا سالۋعا بولمايدى دەگەن سٶز ەمەس. ەگەر اۋرۋ اسقىنىپ تۇرماسا ەكپە ەگۋگە ەبدەن بولادى. تٸپتٸ اۋتويممۋندى اۋرۋلارمەن اۋىراتىندارعا دا ۆاكتسينا سالۋعا بولادى. تەك مۇنىڭ بارلىعىن دۇرىس جەتكٸزٸپ, دۇرىس تٷسٸندٸرٸپ, دۇرىس اقپارات بەرۋ كەرەك», - دەدٸ لاۋرا مىرزاعالي.
سونىمەن قاتار, ول ەگۋ پۋنكتەرٸندە ۆاكتسينانىڭ ٷش تٷرٸ بار ەكەنٸن اتاپ ٶتتٸ. تۇرعىندار ٶزدەرٸ قالاعان ەكپەنٸ سالدىرتا الادى. اتاپ ايتساق, قازاقستاندىق «QazVac», قىتايدىڭ «Sinopharm» جەنە رەسەيلٸك «سپۋتنيك-V».
