مەسكەۋ ورتالىق كلينيكالىق اۋرۋحاناسىندا 92 جاسقا قاراعان شاعىندا سوۆەت وداعى ورتالىق كوميتەتٸنٸڭ سوڭعى باس حاتشىسى ميحايل گورباچەۆ قايتىس بولدى.
رەسەي اقپارات قۇرالدارى گورباچەۆتٸڭ "سوزىلمالى اۋرۋدان كٶز جۇمعانىن" جازدى.
ول مەسكەۋدٸڭ نوۆودەۆيچە زيراتىندا, ەيەلٸ رايسا ماكسيموۆنانىڭ (1999 جىلى قايتىس بولعان) جانىنا جەرلەنەدٸ.
ازاتتىق راديوسىنىڭ حابارلاۋىنشا, ەلەمنٸڭ تٷكپٸر-تٷكپٸرٸندە بۇرىنعى ساياساتكەردٸڭ تۋىستارىنا كٶڭٸل ايتىپ جاتىر.
بۇۇ باس حاتشىسى انتونيۋ گۋتەرريش گورباچەۆ "تاريح باعىتىن ٶزگەرتكەن" تۇلعا دەپ مەلٸمدەدٸ.
ەۋروپا كوميسسيياسىنىڭ پرەزيدەنتٸ ۋرسۋلا ۆون دەر ليايەن گورباچەۆتٸڭ "مۇراسى ەشقاشان ۇمىتىلمايدى" دەدٸ. ول "قۇرمەت پەن سەنٸمگە يە باسشى بولدى" جەنە "قىرعي-قاباق سوعىستى اياقتاۋ جەنە تەمٸر پەردەنٸ بۇزۋدا ماڭىزدى رٶل اتقارىپ, ەركٸن ەۋروپاعا جول اشتى" دەدٸ ول.
ميحايل گورباچيوۆ 1931 جىلعى 2 ناۋرىزدا رەسەيدٸڭ ستاۆروپول ٶلكەسٸ پريۆولنوە اۋىلىندا دٷنيەگە كەلگەن. مەكتەپتٸ كٷمٸس مەدالمەن اياقتاپ, 19 جاسىندا مەسكەۋ مەملەكەتتٸك ۋنيۆەرسيتەتٸنٸڭ زاڭ فاكۋلتەتٸنە وقۋعا تٷسكەن. ەكٸنشٸ كۋرستا سوۆەت وداعى كوممۋنيستٸك پارتيياسىنا قابىلدانعان.
وقۋىن تەمامداعان سوڭ ستاۆروپولگە جٸبەرٸلگەن. سول جەردە پارتيياداعى ساياسي مانسابىن باستاعان. 1970 جىلى سوۆەت وداعى جوعارعى كەڭەسٸنٸڭ دەپۋتاتى اتانسا, 1978 جىلى كومۋنيستٸك پارتييا ورتالىق كوميتەتٸنٸڭ حاتشىسى بولىپ سايلانىپ, وتباسىمەن مەسكەۋگە كٶشكەن. گورباچەۆتٸڭ ٶزٸنٸڭ ايتۋىنشا, قىزمەتتە ٷلكەن قارقىنمەن ٶسۋٸنە سوۆەت وداعى مەملەكەتتٸك قاۋٸپسٸزدٸك كوميتەتٸنٸڭ باسشىسى يۋريي اندروپوۆ ىقپال ەتكەن.
1980 جىلى قازاندا پارتييا ورتالىق كوميتەتٸ ساياسي بيۋروسىنىڭ مٷشەسٸ بولدى.
ميحايل گورباچەۆ كومپارتييا باس حاتشىسى كونستانتين چەرنەنكو قايتىس بولعان سوڭ, 1985 جىلعى 11 ناۋرىزدا جاڭا باس حاتشى بولىپ سايلانعان. كٶپ كەشٸكپەي "جارييالىلىق" ساياساتىن جارييالاپ, ونىڭ سوڭى بٸرنەشە جىلدان سوڭ ٸس جٷزٸندە سٶز بوستاندىعىنا جەتەلەدٸ, كەيٸن پارلامەنتاريزم پايدا بولىپ, سسسر قۇلادى.
حالىقارالىق ارەنادا گورباچەۆ يادرولىق قارۋدى ازايتۋ جەنە اقش, ناتو-مەن جاعدايدى ۋشىقتىرماۋ ساياساتىن قولدادى. گورباچەۆ قولعا العان قايتا قۇرۋ ساياساتى شىعىس جەنە ورتالىق ەۋروپادا سوۆەت رەجيمدەرٸن قۇلاۋعا يتەرمەلەدٸ. بۇل ميحايل گورباچەۆتٸ ەلەمدەگٸ ەڭ تانىمال ادام ەتتٸ. 1990 جىلى گورباچەۆ بەيبٸتشٸلٸك جٶنٸندەگٸ نوبەل سىيلىعىنىڭ لاۋرەاتى اتاندى.
1990 جىلى گورباچەۆ سسسر پرەزيدەنتٸ بولىپ سايلاندى. بۇل – جاڭا قىزمەت. بۇعان دەيٸن ەلدٸ جوعارعى كەڭەس پرەزيديۋمى تٶراعاسى باسقارىپ كەلگەن.
1991 جىلى تامىزدا رەاكتسيونەرلەر توبى سوۆەت وداعىن ساقتاۋ ٷشٸن مەملەكەتتٸك تٶڭكەرٸس جاساۋعا ەرەكەتتەنگەنمەن نەتيجەسٸز اياقتالدى.
گورباچەۆ 1991 جىلى جەلتوقساندا پرەزيدەنت ٶكٸلەتٸنەن باس تارتتى. ول كەزدە تەۋەلسٸزدٸكتەرٸن جارييالاپ قويعان رەسەي, ۋكراينا جەنە بەلارۋس سسسر-دٸ جويۋ تۋرالى بەلوۆەج كەلٸسٸمٸنە قول قويعان.
ساياساتتان كەتكەننەن كەيٸن ميحايل سەرگەەۆيچ رەسەي جەنە ەلەم تاريحىنىڭ مەسەلەلەرٸن زەرتتەۋمەن اينالىساتىن "گورباچەۆ-قورىن" قۇردى. 1996 جىلى گورباچەۆ رەسەيدەگٸ پرەزيدەنت سايلاۋىنا قاتىسقانمەن 0,51% داۋىس جينادى.
