نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتى ەلجان بٸرتانوۆتى ٷيقاماقتا ۇستاۋ بۇلتارتپاۋ شاراسىنىڭ مەرزٸمٸن 14 قىركٷيەككە دەيٸن ۇزارتتى, دەپ حابارلايدى "ۇلت اقپارات".
بٸر اي بۇرىن دەنساۋلىق ساقتاۋ مينيسترلٸگٸنٸڭ ەكس-باسشىسىن ٷيقاماقتا ۇستاۋ مەرزٸمٸ 14 شٸلدەگە دەيٸن ۇزارتىلعان بولاتىن. بٷگٸن وسى مەرزٸمنٸڭ اياقتالۋىنا بايلانىستى نۇر-سۇلتان قالاسى مامانداندىرىلعان اۋدانارالىق تەرگەۋ سوتىنىڭ سۋدياسى المات باباتوۆ تاراپتاردىڭ ۋەجٸن تىڭداپ, شەشٸم شىعاردى.
«كٷدٸكتٸ ەلجان امانتايۇلى بٸرتانوۆتى ٷيقاماقتا ۇستاۋ مەرزٸمٸن قىلمىستىق ٸستٸڭ ماتەريالىمەن تانىسۋ كەزەڭٸندە – 2 ايعا, ياعني 2021 جىلدىڭ 14 قىركٷيەگٸ, ساعات 21.56-عا دەيٸن ۇزارتۋ تۋرالى ۇسىنىمدى ماقۇلداۋ تۋرالى شەشٸم قابىلدادى. ٷيقاماقتا ۇستاۋ شارتىن ٶزگەرتۋ بٶلٸگٸندە, ناقتى ايتساق, باسپانادان شىعۋعا, تەلەفونمەن سٶيلەسۋگە, وتباسى مٷشەلەرٸمەن باسقا ادامداردىڭ بەرٸمەن ارالاسۋعا تولىقتاي تىيىم سالۋ, كٷدٸكتٸنٸڭ سىرتىنان باقىلاۋ قويۋ تۋرالى ۇسىنىمنان باس تارتىلدى», - دەگەن سۋديا تاراپتار سوت قاۋلىسىنا 3 تەۋلٸك ٸشٸندە قارسى شاعىم بەررۋگە قۇقىلى ەكەنٸن ايتتى.
