Nur-Sultan qalasynyń mamandandyrylǵan aýdanaralyq tergeý soty Eljan Birtanovty úiqamaqta ustaý bultartpaý sharasynyń merzimin 14 qyrkúiekke deiin uzartty, dep habarlaidy "Ult aqparat".
Bir ai buryn Densaýlyq saqtaý ministrliginiń eks-basshysyn úiqamaqta ustaý merzimi 14 shildege deiin uzartylǵan bolatyn. Búgin osy merzimniń aiaqtalýyna bailanysty Nur-Sultan qalasy mamandandyrylǵan aýdanaralyq tergeý sotynyń sýdiasy Almat Babatov taraptardyń ýájin tyńdap, sheshim shyǵardy.
«Kúdikti Eljan Amantaiuly Birtanovty úiqamaqta ustaý merzimin qylmystyq istiń materialymen tanysý kezeńinde – 2 aiǵa, iaǵni 2021 jyldyń 14 qyrkúiegi, saǵat 21.56-ǵa deiin uzartý týraly usynymdy maquldaý týraly sheshim qabyldady. Úiqamaqta ustaý shartyn ózgertý bóliginde, naqty aitsaq, baspanadan shyǵýǵa, telefonmen sóilesýge, otbasy múshelerimen basqa adamdardyń bárimen aralasýǵa tolyqtai tyiym salý, kúdiktiniń syrtynan baqylaý qoiý týraly usynymnan bas tartyldy», - degen sýdia taraptar sot qaýlysyna 3 táýlik ishinde qarsy shaǵym berrýge quqyly ekenin aitty.
