اقتٶبە وبلىسىندا قاڭتار ايىندا 52 جولاۋشىسى ٶرتەنٸپ كەتكەن اۆتوبۋس جٷرگٸزۋشٸلەرٸن قاماۋ مەرزٸمٸ تاعى بٸر ايعا ۇزارتىلدى. بۇل جٶنٸندە "استانا" ارناسى وبلىستىق سوتتىڭ باسپاسٶز قىزمەتٸنە سٸلتەمە جاساپ حابارلادى.
"اقتٶبە قالاسى نٶمٸرٸ ەكٸنشٸ سوتىنىڭ 2018 جىلدىڭ 21 سەۋٸردەگٸ قاۋلىسىمەن قىرعىزباەۆقا, تاڭاتوۆقا, پەرنەبەكوۆكە قاتىستى "كٷزەتپەن ۇستاۋ" تٷرٸندەگٸ بۇلتارتپاۋ شاراسى 24 مامىرعا دەيٸن ۇزارتىلدى. قاۋلى زاڭدى كٷشٸنە ەنگەن جوق", — دەدٸ وبلىستىق سوتتىڭ باسپاسٶز قىزمەتٸنٸڭ جەتەكشٸسٸ انار ايتجانوۆا.
جانتٷرشٸگەرلٸك وقيعا 18 قاڭتار كٷنٸ ىرعىز اۋدانىندا بولعان ەدٸ. شىمكەنتتەن قازان قالاسىنا بارا جاتقان اۆتوبۋس ٶرتەنٸپ, ونداعى 55 ادامنىڭ 52-سٸ قازا تاپتى. ولاردىڭ بارلىعى ٶزبەكستان ازاماتى.
ٶرت سالوندى جىلىتۋ ٷشٸن دەنەكەرلەۋشٸ لامپانى قولدانعاننان بولعان. ال قاڭتار ايىنىڭ سوڭىندا اۆتوبۋستىڭ امان قالعان ٷش جٷرگٸزۋشٸسٸنە ابايسىزدا ەكi نەمەسە ودان دا كٶپ ادامنىڭ ٶلiمiنە ەكەپ سوققان ٸس-ەرەكەتكە باردى دەگەن ايىپ تاعىلىپ, قاماۋعا الىنعان بولاتىن. ولاردى قاماقتا ۇستاۋ مەرزٸمٸ وسىمەن ەكٸنشٸ مەرتە ۇزارتىلىپ وتىر. تەرگەۋ جالعاسىپ جاتىر.
