«ۆەتەرينارييا تۋرالى» زاڭ قابىلدانعان كەزدەن باستاپ بٷگٸنگٸ كٷنگە دەيٸن ۆەتەرينارييا جٷيەسٸ جىلدان-جىلعا ٶزگەرٸستەرگە ۇشىراۋدا. بۇل تۋرالى سەناتتاعى پارلامەنتتٸك تىڭداۋدا دەپۋتات مۇحتار جۇماعازيەۆ ايتتى, دەپ حابارلايدى قازاقپارات.
«مەملەكەت باسشىسى ۆەتەرينارييا جٷيەسٸن رەفورمالاۋ جٶنٸندە ناقتى شارالار قابىلداۋدى تاپسىرعان. بۇل سالادا قوردالانعان مەسەلەلەر از ەمەس. مىسالى, 2002 جىلى «ۆەتەرينارييا تۋرالى» زاڭ قابىلدانعان كەزدەن باستاپ بٷگٸنگٸ كٷنگە دەيٸن ۆەتەرينارييا جٷيەسٸ جىلدان-جىلعا ٶزگەرٸستەرگە ۇشىراۋدا. الايدا, ايتارلىقتاي ٶزگەرٸستەر بايقالادى دەپ ايتۋ قيىن. ونىڭ ٷستٸنە, قازٸرگٸ زاماناۋي عىلىمي جەنە تەحنولوگييالىق جەتٸستٸكتەردەن ارتتا قالۋى سەبەبٸنەن كٷردەلەنە تٷستٸ. سوندىقتان, ۆەتەرينارييا سالاسىندا ٷدەرٸستەردٸ تسيفرلاندىرۋ, مەلٸمەتتٸ جيناۋ ەرٸ ونى اۆتوماتتاندىرۋ, كادرلاردى دايارلاۋ جەنە ولاردىڭ جالاقىسىن ارتتىرۋ ٶزەكتٸ مەسەلەلەردٸڭ بٸرٸ», - دەدٸ جۇماعازيەۆ «اۋىل شارۋاشىلىعىن دامىتۋدىڭ ٶزەكتٸ مەسەلەلەرٸ مەن پەرسپەكتيۆالارى» تاقىرىبىنا ارنالعان پارلامەنتتٸك تىڭداۋدا.
وسى ورايدا ول ۆەتەرينارييالىق قاۋٸپسٸزدٸگٸنە توقتالا كەلە, اۋىل شارۋاشىلىعى جانۋارلارىن ەمدەۋ, بولجاۋ جەنە الدىن الۋ ەدٸستەمەلەرٸن جەتٸلدٸرۋ كەرەك ەكەنٸن ايتتى.
سەناتوردىڭ پايىمىنشا, اۋىل شارۋاشىلىعى جانۋارلارىن دياگنوستيكالاۋ ەرٸ ەمدەۋگە ارنالعان ۆەتەرينارييالىق پرەپاراتتاردىڭ ساپاسى مەن قولجەتٸمدٸلٸگٸن ۇيىمداستىرۋ جەنە وتاندىق پرەپاراتتار ٷلەسٸن ارتتىرۋدى قاراستىرۋ ماڭىزدى.
«مەسەلەن, سوڭعى ٷش جىلدا 21,7 ملرد تەڭگەگە ۆەتپرەپاراتتار ساتىپ الىنعان, سونىڭ ٸشٸندە 49% وتاندىق ٶنٸم بولسا, قالعانى يمپورتتالعان. سوندىقتان وتاندىق ۆەتپرەپاراتتاردىڭ ساپاسى مەن قولجەتٸمدٸلٸگٸن ارتتىرۋ ٷشٸن اۋىل شارۋاشىلىعى مينيسترلٸگٸ مەن وتاندىق تاۋار ٶندٸرۋشٸلەر اراسىندا ۇزاق مەرزٸمدٸ كەلٸسٸمشارتتار جاساسۋ جەنە بٸرٸنشٸ كەزەكتە ساتىپ الۋدى تەك وتاندىق ٶندٸرۋشٸلەر اراسىندا ٶتكٸزۋ كەرەك. اسا قاۋٸپتٸ اۋرۋلار بويىنشا بٸر كٶزدەن الۋ تەسٸلٸمەن مەملەكەتتٸك ساتىپ الۋدى جٷزەگە اسىرۋ قاجەت», - دەدٸ مۇحتار جۇماعازيەۆ.
