سوڭعى اپتادا كوروناۆيرۋسقا شالدىققان ناۋقاستار سانى 12 پايىزعا ارتتى. بۇل تۋرالى قر دەنساۋلىق ساقتاۋ ۆيتسە-مينيسترٸ – باس مەملەكەتتٸك سانيتار دەرٸگەر ەرلان قيياسوۆ ايتتى, دەپ حابارلايدى "ۇلت اقپارات".
«17 ناۋرىزداعى جاعداي بويىنشا قازاقستاندا COVID-19-عا وڭ نەتيجەمەن 226 767 ناۋقاس, ال كۆي-دٸڭ تەرٸس نەتيجەسٸمەن 49 896 جاعداي تٸركەلدٸ. كۆي وڭنان 208 074 جەنە كۆي تەرٸستەن 45 428 ناۋقاس ساۋىعىپ شىقتى. اقپاندا قاڭتارمەن سالىستىرعاندا ناۋقاستار سانى 30 پايىزعا تٶمەندەگەنٸ بايقالدى. سونىمەن قاتار سوڭعى 5 كٷننٸڭ ٸشٸندە تەۋلٸگٸنە 1 مىڭنان استام جاعداي انىقتالدى. سوڭعى اپتادا الدىڭعى اپتامەن سالىستىرعاندا ناۋقاستار سانى 12 پايىزعا ٶسۋٸ بايقالادى», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ونىڭ اتاپ ٶتۋٸنشە, قازاقستان تەۋەكەلٸ تٶمەن نەمەسە جاسىل ايماقتان تەۋەكەلٸ ورتاشا ايماققا, ياعني سارى ايماققا اۋىستىرىلدى.
«قىزىل ايماقتا 3 ٶڭٸر - نۇر-سۇلتان مەن الماتى قالالارى جەنە باتىس قازاقستان وبلىسى تۇر. سارى ايماقتا الماتى, اقمولا, اتىراۋ, قاراعاندى وبلىستارى ورنالاسقان. قالعان وبلىستار جاسىل ايماقتا», - دەدٸ ەرلان قيياسوۆ.
