بيىل سولتٷستٸك قازاقستان وبلىسىنىڭ 115 اۋىلىن جاڭعىرتۋعا 17 ملرد تەڭگە جۇمسالادى, دەپ حابارلايدى قازاقپارات.
ورتالىق كوممۋنيكاتسييالار قىزمەتٸندە ٶتكەن باسپاسٶز كونفەرەنتسيياسىندا سولتٷستٸك قازاقستان وبلىسىنىڭ ەكٸمٸ قۇمار اقساقالوۆ الداعى بەس جىلدا ٶڭٸر اۋىلدارىن دامىتۋعا قوماقتى قاراجات بٶلٸنەتٸنٸن جەتكٸزدٸ.
«ٶتكەن جىلمەن سالىستىرعاندا وبلىس قازىناسى 25%-عا, ياعني 323 ملرد تەڭگەدەن 406 ملرد تەڭگەگە دەيٸن ٶستٸ. جالپى 5 جىل ٸشٸندە بٸزدٸڭ ٶڭٸر 500 ملرد تەڭگە كٶلەمٸندە ەلەۋلٸ مٶلشەردە قولداۋعا يە بولادى. ول اقشا تٷرلٸ سالالارعا جۇمسالادى. بٸراق ماقسات جالعىز – سولتٷستٸكقازاقستاندىقتاردىڭ ٶمٸر سٷرۋ ساپاسىن ارتتىرۋ. بۇل ەسٸرەسە اۋىل تۇرعىندارىنىڭ تۇرمىس ساپاسىنا قاتىستى. ٶڭٸردٸڭ 300 اۋىلىن جاڭارتۋعا ٷلكەن قاراجات جۇمساماقپىز», - دەدٸ ٶڭٸر باسشىسى.
قۇمار اقساقالوۆتىڭ ايتۋىنشا, بيىلدىڭ ٶزٸندە 100-دەن استام اۋىلدا مەديتسينالىق نىساندار مەن جولدار, ينجەنەرلٸك ينفراقۇرىلىم جٶندەۋدەن ٶتپەك.
«بيىل 115 اۋىلدى جاڭعىرتۋعا 17 ملرد تەڭگەگە جۋىق قاراجات بٶلٸندٸ. اۋىلداردا مەكتەپتەر, بالاباقشالار, دەرٸگەرلٸك امبۋلاتورييالار, كەنتٸشٸلٸك جولدار مەن سۋمەن جابدىقتاۋ جەلٸلەرٸ كٷردەلٸ جٶندەۋدەن ٶتەدٸ», - دەدٸ ەكٸم.
