2016 جىلدان بەرٸ سولتٷستٸك قازاقستان وبلىسىنا ەڭبەك كٷشٸ ارتىق ٶڭٸرلەردەن 6,5 مىڭ ادام كٶشٸپ بارعان جەنە ونىڭ 8 پايىزى كەرٸ ورالعان. بۇل تۋرالى سقو ەكٸمٸ قۇمار اقساقالوۆ ايتىپ بەردٸ, دەپ حابارلايدى قازاقپارات.
«سولتٷستٸك ٶڭٸرگە قونىس اۋدارۋ «ەڭبەك» باعدارلاماسى اياسىندا جٷزەگە اسىرىلىپ جاتىر. ياعني, ەڭبەك كٷشٸ ارتىق ٶڭٸرلەردە تۇراتىن ەربٸر ازامات كٶشۋ مٷمكٸندٸگٸنە يە. ول ٷشٸن وتباسىنىڭ ەربٸر مٷشەسٸنە 35 اەك كٶلەمٸندە ٶتەماقى تٶلەنەدٸ, بۇل شامامەن 97 مىڭ تەڭگە. وتباسىندا 5 ادام بولسا, كٶشكەنٸ ٷشٸن 500 مىڭ تەڭگە ٶتەماقى الادى دەگەن سٶز. باسپانا جالداۋ ٷشٸن وتباسى اۋىلدىق جەردٸ تاڭداسا – 10-20 اەك, قالانى تاڭداسا – 20-30 اەك ارالىعىندا تاعى تٶلەنەدٸ. ياعني, مەملەكەت اقشانى بٶلەدٸ, ادام قايدا تۇراتىنىن ٶزٸ تاڭدايدى», - دەدٸ ەكٸم ورتالىق كوممۋنيكاتسييالار قىزمەتٸندە ٶتكەن بريفينگتە.
2019 جىلدان باستاپ, قونىس اۋدارۋشىلارعا ٷي سالىپ بەرۋ بويىنشا وبلىستىق باعدارلاما ٸسكە قوسىلعان.
«اۋىل شارۋاشىلىعى تاۋارىن ٶندٸرۋشٸلەردٸ تۇراقتى ەڭبەك كٷشٸمەن قامتاماسىز ەتۋ ٷشٸن تيٸستٸ ەڭبەكاقى مەن ەلەۋمەتتٸك جاعداي جاساۋ قاجەت. ول ٷشٸن تاۋار ٶندٸرۋشٸلەر مەن مەملەكەت قاجەتتٸ ماماندارعا ارناپ ٷي سالادى. دەل قازٸر بٸزگە تراكتورشىلار, مەحانيزاتورلار, مۇعالٸمدەر, دەرٸگەرلەر, مال دەرٸگەرلەرٸ قاجەت. بۇل ٷيدە وتباسى 5 جىل تۇرعاننان كەيٸن مەملەكەتتٸڭ قۇرىلىسقا جۇمساعان قاراجاتىن ٶتەسە جەتكٸلٸكتٸ. بارلىق ٷيلەر تەحنيكالىق تەكسەرۋدەن ٶتەدٸ, كەپٸلدٸك بەرٸلگەن 2-3 جىل بويى اقاۋلارىن تەگٸن جٶندەيدٸ. ٶتكەن جىلى 425 ٷيدٸ پايدالانۋعا بەردٸك, بيىل 700 ٷي سالىنادى», - دەپ تٷسٸندٸردٸ ق. اقساقالوۆ.
ەكٸمنٸڭ ايتۋىنشا, ٶتكەن جىلى سقو-عا ەڭبەك كٷشٸ كٶپ ٶڭٸرلەردەن 2200 ادام, بيىل – 1800 ادام كٶشٸپ كەلگەن.
«ەرينە ولاردىڭ اراسىندا دەنساۋلىق جاعدايىمەن, وتباسىلىق سەبەپتەرمەن تۋعان جەرٸنە كەرٸ ورالعاندار بار. ونسىز بولمايدى. بٸراق كەرٸ ورالعاندار سانى ايتارلىقتاي كٶپ ەمەس. سوندىقتان, بۇل باعدارلاما بٸزگە قاجەت جەنە ەرٸ قاراي دا جٷزەگە اسىرىلا بەرەدٸ», - دەدٸ قۇمار اقساقالوۆ.
