فوتو: اشىق دەرەككٶز
پەتروپاۆل قالاسىنىڭ تۇرعىنى, كەمەلەتكە تولماعان ٷش بالانى تەربيەلەپ وتىرعان جالعىز باستى انا بٸرنەشە جىل بويى باسپانا كەزەگٸندە تۇرعانىمەن, وعان تيٸستٸ تۇرعىن ٷي بەرٸلمەگەن. اتالعان جاعداي بويىنشا تۇرعىن سوتقا جٷگٸنٸپ, ەدٸلدٸككە قول جەتكٸزدٸ, دەپ حابارلايدى Ult.kz.
2007 جىلدان بەرٸ «مەملەكەتتٸك قىزمەتكەر» ساناتى بويىنشا باسپاناعا مۇقتاج رەتٸندە ەسەپتە تۇرعان ەيەلگە اتا-اناسى قايتىس بولعان سوڭ, ولشانكا اۋىلىنداعى جالپى اۋدانى 20,2 شارشى مەتر (ونىڭ ٸشٸندە تۇرعىن ٷي الاڭى – 10,5 شارشى مەتر) بولاتىن ٷيدٸڭ تٶرتتەن بٸر بٶلٸگٸ مۇراعا قالعان. 2023 جىلى ول اتالعان ٷلەسٸن كٶرشٸسٸنە سىيعا تارتۋ شارتىمەن بەرگەن.
بٸر جىلدان كەيٸن ەيەلگە پەتروپاۆل قالاسىنان تۇرعىن ٷي كەزەكتە تۇرعانداردى نەسيەلەندٸرۋ باعدارلاماسى بويىنشا پەتەر بەرٸلگەن. الايدا تۇرعىن ٷي-كوممۋنالدىق شارۋاشىلىق بٶلٸمٸ بۇعان كەلٸسٸم بەرمەي, ەيەلمەن ساتىپ الۋ-ساتۋ شارتىن جاساۋدان باس تارتتى. ولار بۇرىن يەلٸكتەن شىعارىلعان ٷيدٸ «تۇرۋعا جارامدى» دەپ ەسەپتەپ, «تۇرعىن ٷي قاتىناستارى تۋرالى» زاڭنىڭ 72-بابى 2-تارماعىن العا تارتقان.
سوت بارىسىندا مۇراگەرلٸك جولمەن قالعان تۇرعىن ٷيدٸڭ سانيتارلىق جەنە تەحنيكالىق تالاپتارعا سەيكەس كەلمەيتٸنٸ انىقتالدى. ونىڭ ٷستٸنە جالپى تۇرعىن ٷي الاڭى – بار-جوعى 10,5 شارشى مەتر, ال قولدانىستاعى زاڭناما بويىنشا بٸر ادامعا كەمٸندە 15 شارشى مەتردەن كەلۋٸ تيٸس. بۇعان قوسا, جەرگٸلٸكتٸ اتقارۋشى ورگان وتباسى قۇرامىندا ەرتٷرلٸ جىنىستاعى بالالاردىڭ بار ەكەنٸن ەسكەرمەگەن, بۇل ولاردىڭ جەكە بٶلمەمەن قامتاماسىز ەتٸلۋٸن تالاپ ەتەدٸ.
سوت ەيەلدٸڭ تالاپتارىن ورىندى دەپ تانىپ, تۇرعىن ٷي-كوممۋنالدىق شارۋاشىلىق بٶلٸمٸن ونىمەن ساتىپ الۋ-ساتۋ شارتىن جاساسۋعا مٸندەتتەدٸ. شەشٸم زاڭدى كٷشٸنە ەندٸ.
