سولتٷستٸك قازاقستان وبلىسىندا قاتتى داۋىل تۇرىپ, سالدارىنان بٸرنەشە اۋدانداعى عيماراتتارعا زاقىم كەلدٸ. ەكٸ ادام جاراقات الدى, دەپ حابارلايدى قازاقپارات.
سقو تٶتەنشە جاعدايلار دەپارتامەنتٸ وسىعان بايلانىستى بريفينگ ٶتكٸزدٸ. ۆەدومستۆو باستىعى راميل كامالوۆتىڭ ايتۋىنشا, 7 سەۋٸر كٷنٸ 7 اۋداندا 24 نىساننىڭ شاتىرىن جۇلىپ كەتتٸ. جالپى اۋماعى - 8 مىڭ شارشى مەتر.
«ايىرتاۋ, تيميريازەۆ, ع.مٷسٸرەپوۆ, اققايىڭ, تايىنشا, اقجار جەنە م.جۇماباەۆ اۋداندارىندا نەگٸزٸنەن دەنساۋلىق ساقتاۋ, بٸلٸم بەرۋ مەكەمەلەرٸ مەن جەكە تۇرعىن ٷيلەر داۋىلدان زارداپ شەكتٸ. ياعني, 6 مەكتەپتٸڭ, 2 دەنساۋلىق ساقتاۋ, 1 دٷكەننٸڭ, شاعىن بيزنەس ٶكٸلدەرٸنە تيەسٸلٸ 6 ەكٸمشٸلٸك عيماراتتىڭ جەنە 1 بيداي ٶڭدەپ, ساقتايتىن نىساننىڭ شاتىرلارىن جۇلىپ كەتتٸ», - دەيدٸ راميل كامالوۆ.
قاتتى داۋىلدان ەكٸ ادام زارداپ شەكتٸ.
«8 سەۋٸر تيميريازەۆ اۋدانىنداعى كومسومولسكوە ەلدٸ مەكەنٸندە ەكپٸنٸ سەكۋندىنا 30 مەترگە جەتەتٸن جەنە ودان دا جوعارى قاتتى جەلدٸڭ سالدارىنا تٷنگٸ ساعات 2.00 شاماسىندا دٷكەننٸڭ شاتىرىن جۇلىپ كەتكەن. سالدارىنان ەكٸ ادام جاراقات الدى. ولار - 1989 جەنە 1977 جىلى تۋعان ازاماتتار. ولار قازٸر ستاتسيوناردا ەم الىپ جاتىر, جاعدايى بٸرقالىپتى», - دەيدٸ دەپارتامەنت باسشىسى.
جەرگٸلٸكتٸ اتقارۋشى ورگاندارمەن بٸرگە كەلگەن شىعىن مٶلشەرٸن انىقتاۋ ماقساتىندا ارنايى كوميسسييا قۇرىلدى. عيماراتتار تەز ارادا جٶنگە كەلتٸرٸلەتٸن بولادى. بٸرٸنشٸ كەزەكتە اۋرۋحانالار مەن مەكتەپتەر جٶندەلەدٸ.
راميل كامالوۆتىڭ ايتۋىنشا, زاقىم كەلگەن عيماراتتاردىڭ اراسىندا م.جۇماباەۆ اۋدانىنداعى ٷش قاباتتى اۋرۋحانا دا بار. نىساننىڭ شاتىرىن جۇلىپ كەتكەن. جالپى اۋماعى - 600 شارشى مەتر. اۋرۋحانادا بوساناتىن ٷش ەيەل جاتقان, ولار زارداپ شەككەن جوق.
