سولتٷستٸك قازاقستان وبلىسىنىڭ ەكٸمٸ قۇمار اقساقالوۆ كوروناۆيرۋس بويىنشا ٶڭٸر احۋالىن باياندادى, دەپ حابارلايدى قازاقپارات.
«سٸزدەر جاڭالىق قاراعاندا ايماقتاعى جاعداي كٷردەلٸ دەگەن پٸكٸر قالىپتاسۋى مٷمكٸن. ٸس جٷزٸندە ولاي ەمەس. جاعداي تولىق باقىلاۋدا. ايماقتا قاتاڭ شەكتەۋ شارالارى بٸر ايدان بەرٸ قولدانىلىپ كەلەدٸ. شەكارا بەكەتتەرٸندە كارانتين ستاتسيونارلارى ورنالاستىرىلدى. پتسر-تەست بولماسا, ەلگە كٸرۋگە تىيىم سالىنعان», - دەپ اتاپ ٶتتٸ ەكٸم ورتالىق كوممۋنيكاتسييالار قىزمەتٸندە ٶتكەن بريفينگتە.
وبلىس ورتالىعىندا كارانتين ەنگٸزٸلدٸ. دەمالىس كٷندەرٸ «لوكداۋن» رەجيمٸ ورناعان. پويىزداردىڭ سانى قىسقارىپ, ٶڭٸردەگٸ اۆتوبۋس مارشرۋتتارى توقتاتىلدى.
«بۇل شارالاردىڭ بارلىعى جاعدايدى تۇراقتاندىرۋ ٷشٸن قابىلدانعان. كٷن سايىن ۆيرۋس جۇقتىرۋ مەن اۋرۋحاناعا جاتۋ وقيعالارى ازايىپ كەلەدٸ. جالپى اۋىرعانداردىڭ 94% جازىلىپ شىقتى. دەنساۋلىق ساقتاۋ جٷيەسٸنە دە ايتارلىقتاي جٷكتەمە تٷسكەن جوق. ستاتسيونارداعى تٶسەك-ورىن قورىنىڭ 36%-دا ناۋقاستار جاتىر. جوسپارلى اۋرۋحاناعا جاتقىزۋ جۇمىستارى توقتاعان جوق. سوندىقتان, قازٸرگٸ ەپيدەمييالىق جاعدايعا سٷيەنە وتىرىپ, جەلتوقسان ايىنىڭ ورتاسىنا قاراي دەمالىس جەنە مەرەكە كٷندەرٸندەگٸ لوكداۋندى الۋدى, وبلىس ورتالىعىندا شەكتەۋ شارالارىن ايتارلىقتاي جەڭٸلدەتۋدٸ جوسپارلاپ وتىرمىز», - دەدٸ ق. اقساقالوۆ.
سونىمەن بٸرگە, ايماقتا جاڭا جۇقپالى اۋرۋلار اۋرۋحاناسى سالىنىپ, جاساندى تىنىس الۋ اپپاراتتارى ساتىپ الىندى. جەدەل جەردەم كٶلٸكتەرٸن جابدىقتاۋ 76 پايىزدان 100 پايىزعا جەتكٸزٸلگەن.
