© Photo : pixabay.com
سولتٷستٸك قازاقستان وبلىسىندا جاڭا جىلدىڭ العاشقى كٷنٸندە ەكٸ ەر ادام ٶرتتەن قازا تاپتى. ولاردىڭ بٸرٸ تٶسەكتە تەمەكٸ شەكسە, ەكٸنشٸسٸ پەشتٸ بەنزينمەن جاققان, دەپ حابارلايدى Sputnik قازاقستان.
وبلىستىق تٶتەنشە جاعدايلار دەپارتامەنتٸ باسشىسىنىڭ ورىنباسارى, ازاماتتىق قورعانىس پولكوۆنيگٸ دميتريي راستيحيننٸڭ دەرەگٸنشە, جاڭا 2023 جىلدىڭ باسىنان بەرٸ سولتٷستٸك قازاقستان وبلىسىنىڭ اۋماعىندا سەگٸز ٶرت وقيعاسى تٸركەلٸپ, ٶرت كەزٸندە ەكٸ ادام قازا تاپقان.
"1 قاڭتاردا تاڭعى ۋاقىتتا قىزىلجار اۋدانى بەسكٶل اۋىلىندا جەكە تۇرعىن ٷيدەن ٶرت شىعىپ, ٶرت ورنىنان 1977 جىلى تۋعان ەر ادامنىڭ مەيٸتٸ تابىلدى. الدىن الا بولجام بويىنشا ەر ادام تٶسەكتە تەمەكٸ شەككەن", - دەدٸ راستيحين.
دەل وسى كٷنٸ كەشكٸ ساعات 20:00 شاماسىندا پەتروپاۆلدا رابوچيي اۋىلىندا جەكە تۇرعىن ٷيدەن ٶرت شىعىپ, 1989 جىلى تۋعان ەر ادام قايتىس بولدى.
"كۋەگەرلەردٸڭ ايتۋىنشا, ەر ادام دوسىمەن بٸرگە پەش جاعۋ ٷشٸن بەنزين قولدانىپ, ول تۇتانىپ كەتكەن. سونىڭ سالدارىنان بٸر ادام امان قالىپ, ەكٸنشٸسٸ قايتىس بولدى. بولجام بويىنشا كٶز جۇمعان ەكٸ ازامات تا ماس بولعان. سوت-مەديتسينالىق ساراپتاما تاعايىندالدى", - دەدٸ دميتريي راستيحين.
ٶرت سٶندٸرۋشٸلەر جاڭا جىلدىق مەرەكەلەر كەزٸندە الكوگولدٸ ٸشٸمدٸكتەردٸ تۇتىنۋ سالدارىنان پيروتەحنيكالىق بۇيىمداردى ابايسىز پايدالانۋ, پەشتەردٸ, گازداعى تاماقتى قاراۋسىز قالدىرۋ جاعدايى ارتا تٷسەتٸنٸن ايتتى.
2022 جىلى سولتٷستٸك قازاقستان وبلىسىنىڭ اۋماعىندا 695 ٶرت تٸركەلدٸ, ونىڭ سالدارىنان 38 ادام قازا تاۋىپ, 30 ادام دەنە جاراقاتىن العان.
