سولتٷستٸك قازاقستان وبلىسىنىڭ عابيت مٷسٸرەپوۆ اۋدانىندا بٸرنەشە ٶزەن ارناسىنان تاسىپ, ٷش اۋىلدا ونداعان ٷيدٸ سۋ باستى, - دەپ حابارلايدى ازاتتىق تٸلشٸسٸ.
وبلىستىق تٶتەنشە جاعدايلار دەپارتامەنتٸنٸڭ اقپاراتىنا قاراعاندا, كەشە اۋداندا جەمباراق ٶزەنٸ تاسىپ, سالدارىنان كەشكە قاراي رۋزاەۆ اۋىلىندا 185 ٷيدٸ سۋ باستى. اۋىلدان 578 ادام, ونىڭ ٸشٸندە 110 بالا قاۋٸپسٸز جەرگە كٶشٸرٸلدٸ. رۋزاەۆ اۋىلىندا بارلىعى 14 كٶشەنٸ سۋ العان. 92 باس مال قىرىلىپ, 2000-عا جۋىق باس مال قاۋٸپسٸز جەرگە كٶشٸرٸلدٸ.
اققانبۇرلىق ٶزەنٸ تاسىپ, چيستوپولە اۋىلىندا 19 ٷي سۋ استىندا قالدى. 54 ادام قاۋٸپسٸز جەرگە كٶشٸرٸلدٸ. سونىمەن قاتار وسى اۋدانداعى شارىق ٶزەنٸ دە ارناسىنان شىعىپ, رايسوۆكا اۋىلىندا 30 ٷي سۋ استىنا كەتتٸ. بۇل اۋىلدان 70 ادام مەن 110 مال ٷي جانۋارى قاۋٸپسٸز جەرگە كٶشٸرٸلدٸ.
رۋزاەۆ اۋىلىندا 1389 ٷيدە 3904 ادام, چيستوپولە اۋىلىندا 814 ٷيدە 2329 جان تۇرادى. رايسوۆكا اۋىلىندا 220 ٷيدە 775 ادام تۇرادى.
سۋ باسقان اۋىلداردا تٶتەنشە جاعدايلار قىزمەتٸنٸڭ وپەراتيۆتٸ شتابى جۇمىس ٸستەپ جاتىر. سۋ تاسۋ سالدارىنان كٶكشەتاۋ-رۋزاەۆ تاس جولى جابىلعان.
