بٷگٸن ٷكٸمەت وتىرىسىندا سولتٷستٸك قازاقستان مەن قوستاناي وبلىستارىنىڭ ەكٸمدەرٸ قۇس تۇماۋى مەسەلەسٸنە قاتىستى ەسەپ بەردٸ, دەپ حابارلايدى "ۇلت اقپارات".
«بٸزدٸڭ وبلىسپەن شەكارالاس ورنالاسقان رەسەيدٸڭ ٶڭٸرلەرٸندە قۇس تۇماۋى پايدا بولىپ, بٸراز قۇس قىرىلدى. سالدارىنان قۇس تۇماۋى بٸزگە دە تارادى. 28 تامىزدا قۇس فابريكالارىنىڭ باسشىلارىمەن شۇعىل كەڭەس ٶتكٸزٸلٸپ, وندا اۋرۋدىڭ تارالۋىنا جول بەرمەۋدٸڭ الگوريتمٸ ەزٸرلەندٸ. دەگەنمەن وبلىس اۋماعىندا قۇس تۇماۋى تٸركەلٸپ, 450 مىڭ فاكتٸ انىقتالدى», - دەدٸ سقو ەكٸمٸ قۇمار اقساقالوۆ.
وسى ورايدا ەكٸم اۋرۋدىڭ ٷي قۇستارىنا تارالۋىنا جابايى قۇستار ەسەر ەتكەنٸن جەتكٸزدٸ.
«دياگنوز راستالعان ەلدٸ مەكەندەردە كارانتين رەجيمٸ بەلگٸلەندٸ, ۆاكتسينانىڭ 873 مىڭ دوزاسى بٶلٸندٸ, 554 مىڭ قۇسقا ەكپە جاسالدى. قۇس يەلەرٸنە 66 ملن تەڭگە ٶتەماقى تٶلەندٸ. وسى باعىتتا جۇمىس جالعاسادى. اۋىل شارۋاشىلىعى مينيسترلٸگٸنە ٶتەماقى تٶلەۋ ٷشٸن قوسىمشا قاراجات بٶلۋ تۋرالى ٶتٸنٸم جولدادىق», - دەدٸ ق. اقساقالوۆ
ونىڭ ايتۋىنشا, وبلىستا زارداپ شەككەن قۇس فابريكاسىن قالپىنا كەلتٸرۋ جوسپارى ەزٸرلەندٸ. بالاپان ساتىپ الۋعا قارجىلاي قولداۋ تەتٸگٸ قاراستىرىلۋدا.
ٶز كەزەگٸندە قوستاناي وبلىسىنىڭ ەكٸمٸ ارحيمەد مۇحامبەتوۆ سوڭعى 17 كٷندە قۇستار اراسىندا ٶلٸم تٸركەلمەگەنٸن جەتكٸزدٸ.
«جەكە ٷي اۋلاسىنا ارنالعان ۆاكتسينانىڭ 491 مىڭ دوزاسى الىندى, ۆاكتسينالاۋ شارالارى اياقتالدى. سونىمەن قاتار قۇس فابريكالارى ٶز قاراجاتى ەسەبٸنەن 625 مىڭ قۇسقا ەكپە جاسادى. جالپى سوماسى 45 ملن 500 تەڭگە قۇرايتىن 35,3 مىڭ قۇستىڭ قۇنىن ٶتەۋ ٷشٸن قۇجاتتار جولداندى. 2543 قۇس ٷشٸن 7,5 ملن تەڭگە سوماسىندا ٶتەماقى تٶلەندٸ, بۇل باعىتتاعى جۇمىستار جالعاسۋدا», - دەدٸ ا. مۇحامبەتوۆ.
ايتا كەتەيٸك, اۋىل شارۋاشىلىعى مينيسترٸ ساپارحان وماروۆ پاتوگەندٸ قۇس تۇماۋىنان 873,9 مىڭ قۇس قىرىلعانىن مەلٸم ەتتٸ.
