فوتو: قر تسم
مەنەرلەپ سىرعاناۋدان ميلاندا ٶتٸپ جاتقان XXV قىسقى وليمپيادا ويىندارىندا ەيەلدەر اراسىنداعى جەڭٸمپازدار انىقتالدى. قازاقستان اتىنان سىنعا تٷسكەن سوفيا سامودەلكينا ٶز مانسابىنداعى رەكوردتىق ۇپايىن جيناپ, 10-ورىنعا تۇراقتادى, دەپ حابارلايدى Ult.kz.
مۇز ايدىنىنا ون ٷشٸنشٸ بولىپ شىققان سوفيا سامودەلكينا ٶز قويىلىمىن مٸنسٸز ورىنداپ, 138.99 ۇپاي ەنشٸلەدٸ. ال قوس باعدارلامانىڭ قورىتىندىسى بويىنشا, وتانداسىمىز 207.46 ۇپايمەن جەكە مانسابىنداعى ەڭ ٷزدٸك كٶرسەتكٸشٸن تٸركەدٸ.
سوفيا بۇعان دەيٸنگٸ رەكوردتىق ۇپايىن 2021 جىلى (205.67 ۇپاي) العان ەدٸ.
جٷلدەگەرلەر:
1-ورىن. اليسا ليۋ (اقش) - 226.79 ۇپاي (جەكە رەكوردىن جاڭارتتى)
2-ورىن. كاوري ساكاموتو (جاپونييا) - 224.90 ۇپاي
3-ورىن. امي ناكاي (جاپونييا) - 219.16 ۇپاي
10-ورىن. سوفيا سامودەلكينا - 207.46 ۇپاي
ايتا كەتەيٸك, قىسقى وليمپيادا ويىندارىنىڭ تاريحىندا مەنەرلەپ سىرعاناۋدان ەيەلدەر اراسىندا تەك 2018 جىلى عانا ەليزابەت تۇرسىنباەۆا مەن ايزا مامبەكوۆا ٶنەر كٶرسەتكەن. ەليزابەت تۇرسىنباەۆا سول ويىنداردا 12-ورىنعا تۇراقتاعان بولاتىن.
