Foto: QR TSM
Mánerlep syrǵanaýdan Milanda ótip jatqan XXV qysqy Olimpiada oiyndarynda áielder arasyndaǵy jeńimpazdar anyqtaldy. Qazaqstan atynan synǵa túsken Sofia Samodelkina óz mansabyndaǵy rekordtyq upaiyn jinap, 10-orynǵa turaqtady, dep habarlaidy Ult.kz.
Muz aidynyna on úshinshi bolyp shyqqan Sofia Samodelkina óz qoiylymyn minsiz oryndap, 138.99 upai enshiledi. Al qos baǵdarlamanyń qorytyndysy boiynsha, otandasymyz 207.46 upaimen jeke mansabyndaǵy eń úzdik kórsetkishin tirkedi.
Sofia buǵan deiingi rekordtyq upaiyn 2021 jyly (205.67 upai) alǵan edi.
Júldegerler:
1-oryn. Alisa Liý (AQSh) - 226.79 upai (jeke rekordyn jańartty)
2-oryn. Kaori Sakamoto (Japoniia) - 224.90 upai
3-oryn. Ami Nakai (Japoniia) - 219.16 upai
10-oryn. Sofia Samodelkina - 207.46 upai
Aita keteiik, qysqy Olimpiada oiyndarynyń tarihynda mánerlep syrǵanaýdan áielder arasynda tek 2018 jyly ǵana Elizabet Tursynbaeva men Aiza Mambekova óner kórsetken. Elizabet Tursynbaeva sol Oiyndarda 12-orynǵa turaqtaǵan bolatyn.
