بٸرٸككەن اراب ەمٸرلٸكتەرٸنٸڭ دۋباي قالاسىندا كاراتەدان ەلەم چەمپيوناتى ٶتٸپ جاتىر. قازاقستاندىق تٶرت سپورتشى جٷلدەگە تالاسىپ, ەكەۋٸ جٷلدەگەر اتاندى, - دەپ حابارلايدى Olympic.kz.
توكيو وليمپياداسىنىڭ قولا جٷلدەگەرٸ سوفيا بەرۋلتسەۆا 68 كەلٸگە دەيٸنگٸ سالماقتا ەلەم بٸرٸنشٸلٸگٸنٸڭ قولا جٷلدەگەرٸ اتاندى. ٷشٸنشٸ ورىن ٷشٸن ٶتكەن كەزدەسۋدە بەرۋلتسەۆا سەربييالىق يۆانا پەروۆيچتەن باسىم تٷستٸ.
75 كەلٸگە دەيٸنگٸ سالماقتا سىنعا تٷسكەن نۇرقانات ەجٸقانوۆ قولا مەدال ٷشٸن ٶتكەن جەكپە-جەكتە بەلگييالىق قارسىلاسىن جەڭٸپ, ەلەم ٷزدٸكتەرٸنٸڭ قاتارىنا ەندٸ. بۇل 20 جاستاعى سپورتشىنىڭ ەرەسەكتەر اراسىنداعى ەڭ ٷلكەن جەتٸستٸگٸ.
ٶكٸنٸشكە قاراي, 50 كەلٸگە دەيٸنگٸ سالماقتا باق سىناعان مٶلدٸر جاڭبىربايۋكراينالىق سپورتشىدان, 60 كەلٸگە دەيٸنگٸ سالماقتا ەل نامىسىن قورعاعان قايسار الپىسباي موروككولىق قارسىلاسىنان جەڭٸلٸپ, تٶرتٸنشٸ ورىن الدى.
ەرتەڭ قازاقستان ەرلەر كومانداسى قولا جٷلدەگە تالاسادى.
