فوتو: primeminister.kz
قر پرەمەر-مينيسترٸ ەليحان سمايىلوۆ يندۋسترييا جەنە ينفراقۇرىلىمدىق دامۋ, ەكولوگييا جەنە تابيعي رەسۋرستار, ەدٸلەت, وقۋ-اعارتۋ, مەدەنيەت جەنە سپورت مينيسترلٸكتەرٸنٸڭ ۇجىمدارىنا جاڭا باسشىلاردى تانىستىردى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
ٷكٸمەت باسشىسى يندۋسترييا جەنە ينفراقۇرىلىمدىق دامۋ مينيسترلٸگٸنٸڭ ۇجىمىنا مارات قاراباەۆتى تانىستىرا وتىرىپ, ونىڭ جاڭا تەحنولوگييالار, يندۋسترييا جەنە يننوۆاتسييالىق دامۋ سالالارىندا جۇمىس تەجٸريبەسٸ مول, ٶزٸن ماقساتقا قول جەتكٸزۋدە قاجەتتٸ رەسۋرستاردى جۇمىلدىرا الاتىن جوعارى بٸلٸكتٸ مامان رەتٸندە كٶرسەتكەنٸن اتاپ ٶتتٸ.
«مەملەكەت باسشىسى ٶڭدەۋ ٶنەركەسٸبٸنٸڭ ٶسۋ قارقىنىن جەنە قوسىمشا قۇنى جوعارى قايتا ٶڭدەۋ ٶنٸمدەرٸن شىعارۋدى ىنتالاندىرۋ, سونداي-اق يندۋسترييانىڭ بازالىق سالالارىن, لوگيستيكالىق ەلەۋەتتٸ جەنە كٶلٸك ينفراقۇرىلىمىن دامىتۋ جٶنٸندە ماڭىزدى مٸندەتتەردٸ بەلگٸلەدٸ», — دەدٸ ەليحان سمايىلوۆ.
سونىمەن قاتار ول گەولوگييالىق سالانى دامىتۋعا جەنە پايدالى قازبالاردى بارلاۋ مەن ٶندٸرۋگە ينۆەستيتسييالار تارتۋعا ەرەكشە نازار اۋدارۋ قاجەت ەكەنٸن ايتتى.
پرەمەر-مينيستر ەكولوگييا جەنە تابيعي رەسۋرستار مينيسترلٸگٸنٸڭ ۇجىمىنا زٷلفييا سٷلەيمەنوۆانى تانىستىرا وتىرىپ, ۆەدومستۆو بۇرىنعى ەكولوگييالىق مەسەلەلەردٸ, ونىڭ ٸشٸندە ارال تەڭٸزٸ مەن سەمەي ٶڭٸرٸنە قاتىستى مەسەلەلەردٸ شەشۋ, سونداي-اق سۋ رەسۋرستارىن باسقارۋ جەنە تابيعات پەن جانۋارلار ەلەمٸن قورعاۋ جٶنٸندەگٸ مٸندەتتەرگە قول جەتكٸزۋ بويىنشا جۇمىستى جانداندىرۋى تيٸس ەكەنٸن اتاپ ٶتتٸ.
«ٸرٸ كەسٸپورىنداردىڭ زيياندى قالدىقتارىن كەزەڭ-كەزەڭمەن تٶمەندەتۋگە قول جەتكٸزۋ جەنە ولاردى جاڭا تەحنولوگييالاردى ەنگٸزۋگە ىنتالاندىرۋ قاجەت, ٶيتكەنٸ بۇل ازاماتتارىمىزدىڭ دەنساۋلىعىنا تٸكەلەي بايلانىستى», — دەدٸ ەليحان سمايىلوۆ.
ەدٸلەت مينيسترلٸگٸنٸڭ ۇجىمىمەن كەزدەسۋدە پرەمەر-مينيستر جاڭا باسشى ازامات ەسقاراەۆ پەن ۆەدومستۆو قىزمەتكەرلەرٸ جاقىندا قابىلدانعان بارلىق زاڭدار بويىنشا زاڭعا تەۋەلدٸ اكتٸلەردٸ ەزٸرلەۋدٸ جەنە وسى مەسەلەدە تيٸستٸ ۆەدومستۆوارالىق ٷيلەستٸرۋدٸ قامتاماسىز ەتۋٸ تيٸس ەكەنٸن ايتتى.
سونىمەن قاتار, ونىڭ ايتۋىنشا, نورماتيۆتٸك-قۇقىقتىق اكتٸلەردٸ ساراپتاۋ ساپاسىن ارتتىرۋ, جالپى ساراپشىلار قوعامداستىعىمەن بەلسەندٸ ٶزارا ٸس-قيمىل جاساۋ جەنە «مودەلدٸك» زاڭدار نىسانىندا جاڭا زاڭنامالىق بازانى قالىپتاستىرۋ بويىنشا جۇمىستى جالعاستىرۋ قاجەت.
«ەل پرەزيدەنتٸ مەملەكەتتٸك باسقارۋدىڭ بارلىق دەڭگەيلەرٸندە شەشٸم قابىلداۋ پروتسەسٸن جەدەلدەتۋ مٸندەتٸن قويىپ وتىر. مۇنداي تەسٸل قاجەتتٸ ەلەۋمەتتٸك جەنە ەكونوميكالىق رەفورمالاردى جەدەل جٷرگٸزۋگە مٷمكٸندٸك بەرەدٸ», — دەدٸ ەليحان سمايىلوۆ.
وقۋ-اعارتۋ مينيسترٸ عاني بەيسەمباەۆتىڭ الدىندا تۇرعان باسىم مٸندەتتەردٸ اتاپ ٶتكەن ٷكٸمەت باسشىسى «جايلى مەكتەپ» ۇلتتىق جوباسىن ساپالى ٸسكە اسىرۋ, وقۋ ورىندارىنىڭ قاۋٸپسٸزدٸگٸن قامتاماسىز ەتۋ, سالانى وقىتۋ مەن تسيفرلاندىرۋدىڭ وزىق ەدٸستەمەلەرٸن ەنگٸزۋ قاجەتتٸگٸنە نازار اۋداردى.
ونىڭ ايتۋىنشا, مەكتەپكە دەيٸنگٸ جەنە مەكتەپتەن تىس, كەسٸپتٸك بٸلٸم بەرۋ جٷيەسٸن ودان ەرٸ دامىتۋ قاجەت.
«بٸلٸم بەرۋدٸڭ باستاپقى كەزەڭدەرٸندە ادامي كاپيتالدىڭ جەنە تۇتاستاي مەملەكەتٸمٸزدٸڭ ودان ەرٸ دامۋىنىڭ نەگٸزٸ قالانادى. ٷكٸمەت تاراپىنان بٸلٸم بەرۋ سالاسىنا كٶپ كٶڭٸل بٶلٸنەدٸ: مۇعالٸمدەردٸڭ جالاقىسى كٶتەرٸلۋدە, جاڭا مەكتەپتەر مەن بالاباقشالار اشىلۋدا, وقىتۋدىڭ زاماناۋي فورماتتارى ەنگٸزٸلٸپ جاتىر. بٸز سالانىڭ بارلىق پروبلەمالىق مەسەلەلەرٸن جوسپارلى تٷردە قاراپ, شەشٸم قابىلداۋدى جالعاستىرامىز», — دەپ ەليحان سمايىلوۆ بۇرىنعى وقۋ-اعارتۋ مينيسترٸ اسحات ايماعامبەتوۆكە اتقارعان جۇمىسى ٷشٸن العىس بٸلدٸردٸ.
ٷكٸمەت باسشىسى مەدەنيەت جەنە سپورت مينيسترلٸگٸنٸڭ ۇجىمىنا جاڭا باسشى اسحات ورالوۆتى تانىستىرا وتىرىپ, ۆەدومستۆونىڭ باسىم مٸندەتتەرٸ قازاقستاننىڭ تاريحي-مەدەني مۇراسىن ساقتاۋ جەنە دەرٸپتەۋ, رەسپۋبليكانىڭ حالىقارالىق ارەناداعى بەدەلٸن ارتتىرۋ, سونداي-اق سپورتتى دامىتۋ تەسٸلدەرٸن ٶزگەرتۋ بولىپ تابىلاتىنىن اتاپ ٶتتٸ.
«بۇقارالىق سپورتتى دامىتۋعا باسا نازار اۋدارىپ, كەسٸبي سپورتشىلاردىڭ جاڭا بۋىنىن دايارلاۋ دەڭگەيٸن كٶتەرۋٸمٸز كەرەك. بارلىق كٷش-جٸگەر وسىعان جۇمسالۋى تيٸس», — دەدٸ ەليحان سمايىلوۆ.
