قازاقستان رەسپۋبليكاسىنىڭ پرەمەر-مينيسترٸ ەليحان سمايىلوۆ ەۋرازييالىق ٷكٸمەتارالىق كەڭەس وتىرىسى اياسىندا قىرعىزستان رەسپۋبليكاسىنىڭ مينيسترلەر كابينەتٸنٸڭ تٶراعاسى اقىلبەك جاپاروۆپەن ەكٸجاقتى كەلٸسسٶز ٶتكٸزدٸ. بۇل تۋرالى ٷكٸمەتتٸڭ باسپاسٶز قىزمەتٸ حابارلادى.
تاراپتار ساۋدا-ەكونوميكالىق جەنە ينۆەستيتسييالىق ىنتىماقتاستىق, ٶنەركەسٸپ جەنە وتىن-ەنەرگەتيكا كەشەنٸ, ەكولوگييا, بٸلٸم بەرۋ سالاسىنداعى ەكٸجاقتى ىنتىماقتاستىقتىڭ بٸرقاتار ٶزەكتٸ مەسەلەلەرٸن تالقىلادى.
ەكٸجاقتى ساۋدا كٶلەمٸن ارتتىرۋ اياسىندا تاراپتار جەتكٸزٸلەتٸن اۋىل شارۋاشىلىعى ٶنٸمدەرٸنٸڭ نومەنكلاتۋراسىن كەڭەيتۋ جٶنٸندە پٸكٸر الماستى. بۇدان باسقا, بٸرلەسكەن يندۋسترييالىق ساۋدا-لوگيستيكا كەشەنٸن قۇرۋ مەسەلەسٸن ٸسكە اسىرۋ باستالدى.
«قىرعىزستان – قازاقستاننىڭ ورتالىق ازييا ايماعىنداعى ماڭىزدى ساۋدا سەرٸكتەسٸ. ٶزارا ساۋدانىڭ وڭ سەرپٸنٸنٸڭ قالپىنا كەلۋٸن اتاپ ٶتكٸم كەلەدٸ. 2021 جىلدىڭ قورىتىندىسى بويىنشا ساۋدا كٶلەمٸنٸڭ شامامەن 15%-عا ارتقانى بايقالادى», — دەدٸ ەليحان سمايىلوۆ كەلٸسسٶز كەزٸندە.
اۆتوموبيل ٶنەركەسٸبٸ بويىنشا ىنتىماقتاستىق شەڭبەرٸندە قىرعىز تاراپى اۆتوكٶلٸك تەحنيكاسىن ساتىپ الۋ جەنە ليزينگ مەسەلەسٸن قاراستىرۋدا. قازٸرگٸ ۋاقىتتا تەحنيكالىق مەسەلەلەر پىسىقتالىپ جاتىر.
ترانسشەكارالىق سۋلار جەنە ەنەرگەتيكالىق ىنتىماقتاستىق بويىنشا تاراپتار ترانسشەكارالىق ٶزەندەردٸڭ اعىسى مەسەلەسٸن رەتتەدٸ, سونىڭ نەتيجەسٸندە ەكٸ مەملەكەت ٷشٸن دە ۆەگەتاتسييالىق كەزەڭدە سىردارييا, شۋ جەنە تالاس ٶزەندەرٸنٸڭ باسسەيندەرٸندە سۋدىڭ ازايۋىنىڭ ىقتيمال تەرٸس سالدارىنىڭ الدىن الۋ شارالارى قابىلداندى.
بۇدان باسقا, تاراپتار ٶزگە دە ٶزەكتٸ مەسەلەلەر مەن ساۋدا-ەكونوميكالىق ىنتىماقتاستىقتى كەڭەيتۋ جٶنٸندە پٸكٸر الماستى.
