سەيسەنبٸ, 12 شٸلدەدە قر پرەمەر-مينيسترٸ ەليحان سمايىلوۆ ۋيمبلدون تۋرنيرٸندە تاريحي جەڭٸسكە جەتكەن قازاقستاندىق تەننيسشٸ ەلەنا رىباكينامەن كەزدەستٸ, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
ٷكٸمەت باسشىسى ەلەنا رىباكيناعا قر پرەزيدەنتٸنٸڭ جارلىعىمەن سپورتتاعى اسا ٷزدٸك جەتٸستٸكتەرٸ جەنە حالىقارالىق ىنتىماقتاستىقتى دامىتۋعا قوسقان ٷلەسٸ ٷشٸن بەرٸلگەن II دەرەجەلٸ «دوستىق» وردەنٸن تابىس ەتتٸ.
«بارلىق قازاقستاندىقتار سٸزدٸڭ ەلەمنٸڭ ەڭ اتاقتى تەننيسشٸلەرٸمەن سايىستارىڭىزدى باقىلاپ وتىردى. ٷلكەن دۋلىعا تۋرنيرٸندە جەڭٸسكە جەتٸپ, سٸز وتانداستارىمىزدىڭ ٷمٸتٸن اقتادىڭىز, سونداي-اق قازاقستاندا تەننيستٸ دەرٸپتەۋگە باعا جەتپەس ٷلەس قوستىڭىز. سٸزدٸڭ جەڭٸسٸڭٸز جاس سپورتشىلاردى ىنتالاندىرا تٷسەدٸ دەپ سەنەمٸن», — دەدٸ ەليحان سمايىلوۆ.
ٶز كەزەگٸندە ەلەنا رىباكينا جوعارى ماراپات ٷشٸن العىسىن بٸلدٸرٸپ, قازاقستاندىقتاردىڭ قولداۋىن سەزٸنٸپ جٷرەتٸنٸن ايتتى.
«ەرينە, مەن وتانداستارىمىزدىڭ قولداۋىن ۇدايى سەزٸنەمٸن. بۇل مەن ٷشٸن ٷلكەن قۋانىش پەن جاۋاپكەرشٸلٸك. كەشە قازاقستانعا ۇشىپ كەلگەندە مەنٸ قارسى العان ادامداردىڭ كٶپ بولعانىن كٶردٸم. بۇل جاعدايدىڭ مەنٸڭ باسىمنان ٶتٸپ جاتقانىنا ەلٸ دە سەنە الار ەمەسپٸن», — دەدٸ ول پرەمەر-مينيسترمەن كەزدەسۋدەن كەيٸن.
قازاقستاندىق تەننيسشٸ جٷلدە قاراجاتىنىڭ بٸر بٶلٸگٸن ەلٸمٸزدە قايىرىمدىلىققا جەنە يۋنيورلاردى قولداۋعا جۇمسايتىنىن ايتتى.
«مەنٸڭ ويىمشا, تۋرنير ۇيىمداستىرعان نەمەسە جاس ويىنشىلارعا گرانت تاعايىنداعان دۇرىس بولادى. سەبەبٸ مەن مۇندا زور قولداۋعا يە بولدىم. ەندٸ جاس بۋىننىڭ دامۋىنا مەنٸڭ كٶمەكتەسەتٸن كەزەگٸم», — دەدٸ ەلەنا رىباكينا.
سونداي-اق سپورتشى قاراجاتتىڭ بٸر بٶلٸگٸن جانۋارلارعا كٶمەكتەسۋگە جۇمساۋدى جوسپارلاپ وتىر.
«بٸرنەشە كٷننەن كەيٸن اقش-تا ٶتەتٸن تۋرنيرلەرگە دايىندالا باستايمىن. بيىلعى ماقسات – ەلەمدٸك رەيتينگتٸڭ توپ-10 قاتارىنا كٸرۋ. باستى ماقسات – بٸرٸنشٸ بولۋ. مەن بۇعان ۇمتىلامىن جەنە بار كٷش-جٸگەرٸمدٸ سالامىن», — دەدٸ ۋيمبلدون-2022 جەڭٸمپازى.
