قازاق ونكولوگييا جەنە راديولوگييا ينستيتۋتىنىڭ باسقارما تٶرايىمى ديليارا قايداروۆا اعزانى سكرينينگتەن ٶتكٸزۋگە قانشا كٷن كەتەتٸندٸگٸن ايتتى, دەپ حابارلايدى "ۇلت اقپارات".
«بٷكٸل قوعامىمىز ٷشٸن سكرينينگ مەسەلەسٸ ٶتە ماڭىزدى بولىپ قالا بەرەدٸ. ولار ٸسٸك اۋرۋلارىن ەرتە انىقتاۋعا سەپتٸگٸن تيگٸزەدٸ. بۇعان قوسا, سكرينينگ بارىسىندا وبىردان بٶلەك قانت ديابەتٸ, قان قىسىمى, گيپەرتونييا سىندى اۋرۋلار انىقتالىپ جاتادى. سوندىقتان سكرينينگتەن ٶتۋگە ناقتى بٸر ۋاقىتتا بەلگٸلەۋ ٶتە ماڭىزدى. مۇنى جۇمىس بەرۋشٸلەرگە دە ايتىپ جاتىرمىز», - دەدٸ ول قر دەنساۋلىق ساقتاۋ مينيسترلٸگٸنٸڭ Instagram پاراقشاسىندا ٶتكەن ونلاين بريفينگتە.
وسى ورايدا ينستيتۋت باسشىسى سكرينينگتەن ٶتۋگە قانشا ۋاقىت كەتەتٸندٸگٸن دە ايتىپ بەردٸ.
«بۇل سكرينينگتەردٸ ٶتٸپ شىعۋعا 2 كٷن جەتكٸلٸكتٸ دەپ ويلايمىز. وعان حولەستەريندٸ, قانتتى, قان قىسىمىن ٶلشەۋ جەنە بٸزدٸڭ ونكولوگييالىق سكرينينگتەر كٸرەدٸ. 2018 جىلدان بەرٸ ونكولوگييا بويىنشا سكرينينگ ەدٸستەرٸن ٶزگەرتتٸك. بۇل سكرينينگتەن ٶتۋ ٷشٸن جۇمىس بەرۋشٸ ەكٸ كٷن بەرۋٸ تيٸس. مەنٸڭشە, جۇمىس بەرۋشٸ جۇمىسشىسىنا 2 كٷن بەرەدٸ دەپ ويلايمىن. بۇل ٶتە ماڭىزدى. سەبەبٸ, ونكولوگييالىق اۋرۋعا شالدىققاندار سانى ارتىپ كەلەدٸ. بٸزدە ٶلٸم-جٸتٸم رەيتينگٸندە بٸرٸنشٸ ورىندا جٷرەك-قان تامىر اۋرۋلارى, ەكٸنشٸ ورىندا جول-كٶلٸك وقيعالارى, ٷشٸنشٸ ورىندا ونكولوگييا تۇر», - دەدٸ ديليارا قايداروۆا.
