Qazaq onkologiia jáne radiologiia institýtynyń basqarma tóraiymy Diliara Qaidarova aǵzany skriningten ótkizýge qansha kún ketetindigin aitty, dep habarlaidy "Ult aqparat".
«Búkil qoǵamymyz úshin skrining máselesi óte mańyzdy bolyp qala beredi. Olar isik aýrýlaryn erte anyqtaýǵa septigin tigizedi. Buǵan qosa, skrining barysynda obyrdan bólek qant diabeti, qan qysymy, gipertoniia syndy aýrýlar anyqtalyp jatady. Sondyqtan skriningten ótýge naqty bir ýaqytta belgileý óte mańyzdy. Muny jumys berýshilerge de aityp jatyrmyz», - dedi ol QR Densaýlyq saqtaý ministrliginiń Instagram paraqshasynda ótken onlain brifingte.
Osy oraida institýt basshysy skriningten ótýge qansha ýaqyt ketetindigin de aityp berdi.
«Bul skriningterdi ótip shyǵýǵa 2 kún jetkilikti dep oilaimyz. Oǵan holesterindi, qantty, qan qysymyn ólsheý jáne bizdiń onkologiialyq skriningter kiredi. 2018 jyldan beri onkologiia boiynsha skrining ádisterin ózgerttik. Bul skriningten ótý úshin jumys berýshi eki kún berýi tiis. Menińshe, jumys berýshi jumysshysyna 2 kún beredi dep oilaimyn. Bul óte mańyzdy. Sebebi, onkologiialyq aýrýǵa shaldyqqandar sany artyp keledi. Bizde ólim-jitim reitinginde birinshi orynda júrek-qan tamyr aýrýlary, ekinshi orynda jol-kólik oqiǵalary, úshinshi orynda onkologiia tur», - dedi Diliara Qaidarova.
