سولتٷستٸك قازاقستان وبلىسىنىڭ اۋماقتىق كارتاسى (كٶرنەكٸ سۋرەت).
سولتٷستٸك قازاقستان وبلىسىنداعى (سقو) سەرگەەۆ سۋ قويماسىندا سۋ بٷگٸن تاڭەرتەڭ قالىپتى دەڭگەيدەن 2,9 مەتردەن اسىپ تۇردى, - دەپ حابارلادى ازاتتىققا وبلىستىق تٶتەنشە جاعدايلار دەپارتامەنتٸنٸڭ (تجد) باسپاسٶز حاتشىسى ەۆگەنيي جۋراۆلەۆ.
بٸر كٷن بۇرىن ەسٸل ٶزەنٸنە سالىنعان سەرگەەۆ قويماسىنداعى سۋ قالىپتى دەڭگەيدەن ٷش مەتر اسىپ تۇرعانى حابارلانعان ەدٸ. وبلىس ەكٸمٸ قۇمار اقساقالوۆ 18 سەۋٸردە جۋرناليستەرگە سىيىمدىلىعى 693 ميلليون تەكشە مەتر بولاتىن سۋ قويماسىندا سۋ سىيىمدىلىعىنان 64 پايىزعا كٶپ ەكەنٸن ايتقان.
تجد كەشە الداعى بٸرنەشە كٷندە ەسٸل ٶزەنٸنٸڭ اڭعارلارى ارقىلى كٶپ كٶلەمدە سۋ جٷرۋٸ مٷمكٸن ەكەنٸن ەسكەرتكەن.
بۇل سۋ قويماسىنا قاتىستى سۋ شارۋاشىلىعى جٶنٸندەگٸ مەملەكەتتٸك مەكەمەنٸڭ وبلىستىق فيليالىنان اقپارات الۋ مٷمكٸن بولمادى. ەسٸل ٶزەنٸ قىزىلجار, ەسٸل جەنە شال اقىن اۋداندارىنىڭ تەرريتوريياسىمەن ٶتەدٸ. پەتروپال تٷبٸندە ٶزەن اڭعارلارىنىڭ بويىندا ساياجاي ماسسيۆتەرٸ ورنالاسقان.
تجد اقپاراتىنا قاراعاندا, ايدىڭ باسىنان بەرٸ وبلىستا جٷزدەگەن ٷي مەن اۋلانى سۋ باسقان. وسى اپتانىڭ باسىندا تٶتەنشە جاعدايلار قىزمەتٸ عابيت مٷسٸرەپوۆ اۋدانى مەن ايىرتاۋ اۋدانىنداعى التى ەلدٸ مەكەندە ەرٸگەن قار سۋى كەم دەگەندە 259 ٷيدٸ باسقانىن حابارلاعان. عابيل مٷسٸرەپوۆ اۋدانىندا وسى اپتا باسىندا جەرگٸلٸكتٸ دەڭگەيدە تٶتەنشە جاعداي جارييالانعان.
